পাকিস্তানৰ অপেনিং বেটছমেন ফখৰ জামানৰ এটা ৰাণ আউটে বিশ্ব ক্ৰিকেটত চৰ্চা লাভ কৰিছে।
দেওবাৰে দক্ষিণ আফ্ৰিকাৰ বিৰুদ্ধে পাকিস্তানৰ এটা এদিনীয়া শৃংখলাৰ দ্বিতীয়খন মেচত তেওঁ কেৰিয়াৰৰ এটা অন্যতম শ্ৰেষ্ঠ ইনিংছ খেলে।
১৫৫টা বলৰ সম্মুখীন হৈ ১৮টা চাৰি আৰু ১০টা ছয়ৰ সহায়ত তেওঁ কৰে পৰ্বতসম ১৯৩ ৰাণ।
১৯৩ ৰাণ কৰি থকা অৱস্থাতে তেওঁক ৰাণ আউট কৰে বিপক্ষৰ উইকেট কীপাৰ কুইণ্টন ডি ককে।
Qdk fooling Fakhar Zaman for his run-out.
A brilliant innings of 193, nonetheless#Fakharzaman #SAvPAK pic.twitter.com/yYUSF2vAv0— Meet (@raut_meeet) April 4, 2021
ডি ককে যিদৰে তেওঁক ৰাণ আউট কৰে, সেই লৈ টুইটাৰত শেহতীয়াকৈ বিতৰ্কৰ সূত্ৰপাত হৈছে।
ইনিংছৰ শেষৰ অভাৰৰ প্ৰথম বলটোত তেওঁ লং অফলৈ এটা শ্বট মাৰে আৰু এক ৰাণ সংগ্ৰহ কৰে।
এক ৰাণ সংগ্ৰহ কৰাৰ পাছত পুনৰ আৰু এক ৰাণৰ বাবে তেওঁ অগ্ৰসৰ হয়।
ফিল্ডাৰ এইডেন মাৰ্কক্ৰামে বলটো উইকেটকীপাৰ ডি ককলৈ পঠায় দিয়ে।
কিন্তু ডি ককে বলটো ফখৰ জামাৰ নন-ষ্টাইকাৰ এণ্ড অৰ্থাৎ বলাৰৰ ফালে যোৱা যেন ইংগিত দিয়ে।
যাৰবাবে জামানে খৰখেদা নকৰি ধীৰে সুস্থিৰে ৰাণটো শেষ কৰিবলৈ আগবাঢ়ে।
কিন্তু যেতিয়া গম পায় যে বলটো তেওঁ ষ্ট্ৰাইকাৰ এণ্ডৰ ফালেই আহিছে, তেতিয়া তেওঁৰ বহু পলম হৈ গ’ল।
এইডেনে এটা নিখুঁট থ্ৰ’ৰে (throw) ষ্ট্ৰাইকাৰ এণ্ডৰ খুঁটিকেইডাল ভাঙি পেলায়।
যাৰ ফলত ফখৰ জামান ৰাণ আউট হ’ব লগা হয়।
ফখৰ জামান ৰাণ আউট হোৱাৰ পাছতে দক্ষিণ আফ্ৰিকাই বান্ধি দিয়া ৩৪২ ৰাণৰ বিজয়লক্ষ্য উপনীত হ’বলৈ যথেষ্ট কষ্ট কৰিবলগা হয় পাকিস্তানে।
অৱশেষত পাকিস্তানে ৩২৪ ৰাণই কৰি ১৭ ৰাণত পৰাস্ত হয়।
ফখৰ জামানৰ এই বিতৰ্কিত ৰাণ আউটটোৱে টুইটাৰত বিতৰ্কৰ সূত্ৰপাত ঘটাইছে।
কিছু লোকে উইকেট কীপাৰ ডি ককক ‘ভুৱা ফিল্ডিং’ (fake fielding) অভিযোগত সাঙুৰিছে।
Fakhar Zaman Run Out!!
A clear case of fake fielding. QdK pointed at bowling end as if the throw is at that end.
#SAvPAK#fakharzaman pic.twitter.com/E3tGyODmaJ— Shaiz Khan (@Shaiz_Khaan) April 4, 2021
উল্লেখযোগ্য যে আই.চি.চি.ৰ নিয়মমতে এজন ফিল্ডাৰে যদি ৰাণ সংগ্ৰহত ৰত থকা বেটছমেনজনক বিভ্ৰান্ত কৰিবলৈ বিভিন্ন ইংগিত প্ৰদান কৰে অথবা বেটছমেনজনক বাধা প্ৰদান কৰে, তেনেহ’লে ই এটা গুৰুত্বৰ অপৰাধ।
প্ৰাক্তন পাকিস্তানী তাৰকা ছোৱেইব আখটাৰ, ৰছিড লটিফকে ধৰি বহুকেইজন ক্ৰিকেটাৰে ফখৰ জামান ৰাণ আউটৰ সিদ্ধান্তটোক লৈ টুইটাৰত মুখ খুলিছে।
What a master inning by @FakharZamanLive. Treat to watch. Single handedly brought the game here.
Sad end to the inning. Deserved a 200.
Was the spirit of the game compromised by South Africa & @QuinnyDeKock69 in that run out??Full review: https://t.co/bi2f2Qgxij#PAKvSA pic.twitter.com/7Uvt8Ovhpn
— Shoaib Akhtar (@shoaib100mph) April 4, 2021
অৱশ্যে মেচখনৰ শেষত ফখৰ জামানে কয় যে ভুলটো ডি ককৰ নহয়, তেওঁৰ নিজৰহে।
জামানে কয় যে তেওঁ যে নিজেই ৰাণটো লোৱাৰ ক্ষেত্ৰত পলম কৰিছিল।
মেচখনত পাকিস্তান পৰাস্ত হ’লেও অনবদ্য প্ৰদৰ্শনৰ বাবে ফখৰ জামানেই মেন অৱ দ্যা মেচৰ খিতাপ লাভ কৰে।
