বলিউদৰ জনপ্ৰিয় অভিনেত্ৰী সোণাক্ষী সিনহাৰ এটা ভাইৰেল ভিডিঅ’ৱে খলকনি তুলিছে ইণ্টাৰনেটত। ভিডিঅ’টোত অভিনেত্ৰীগৰাকীক ৰূপালী ৰঙৰ খুব সুন্দৰ পোছাকৰ সৈতে দেখা গৈছে।
ভিডিঅ’টোত অভিনেত্ৰী গৰাকীক ইফালে সিফালে ঘূৰি থকা পৰিলক্ষিত হয়। আৰু ইয়াৰ পিছত সোণাক্ষীৰ দৰে একেই পোছাক পৰিহিত এগৰাকী যুৱতীক দেখা যায়।
একেই পোছাক পৰিহিত যুৱতীগৰাকীক পিছফালৰ পৰা কোনোবাই হেণ্ডকাফ পিন্ধাই আছে। মন কৰিব লগীয়া কথাটো হ’ল এই ভিডিঅ’ ফুটেজটোত যুৱতী গৰাকীৰ মুখমণ্ডল দেখা নাপাই যদিও সোণাক্ষী সিনহাৰ মাতটো স্পষ্টকৈ শুনা পোৱা যায়।
হেণ্ডকাফ লগাই থকা সময়ত সোণাক্ষীয়ে কয়, ‘তুমি এইদৰে মোক গ্ৰেপ্তাৰ কৰিব নোৱাৰা। তুমি জানানে নাই মই কোন হওঁ? মই একো কৰা নাই। কেনেকৈ তুমি মোক গ্ৰেপ্তাৰ কৰিব পাৰা’।
উল্লেখ্য যে এই ভিডিঅ’টো কিছু কিছু জনপ্ৰিয় ফটোগ্ৰাফাৰে ‘এনেকুৱা লাগিছে যেন সোণাক্ষী সিনহা কিবা ডাঙৰ সমস্যাত পৰিছে’ বুলি কেপশ্যনেৰে ছ’চিয়েল মিডিয়াত চেয়াৰ কৰাৰ লগে লগে ভাইৰেল হৈ পৰে।
Looks like Sonakshi Sinha is in trouble! What is the matter #AsliSonaArrested @sonakshisinha pic.twitter.com/jhT5a7zHgG
— Mahasin (@imahasin4) August 6, 2019
ইয়াৰ পিছত ভিডিঅ’টো অভিনেত্ৰী গৰাকীৰ সমৰ্থক সকলে চেয়াৰ কৰিছে। এই ভিডিঅ’টো সম্বন্ধত এগৰাকী সমৰ্থকে লিখিছে ‘আপুনি এই ভিডিঅ’টো চালেনে? বিশ্বাস হোৱা নাই। সোণাক্ষীক জেইললৈ পঠোৱা কাৰ্যত মই আচৰিত’।
Gergious @sonakshisinha is behind bars. Want to know the matter Sonakshi Sinha Arrested pic.twitter.com/S17D4adUwQ
— Mahasin (@imahasin4) August 6, 2019
আন এগৰাকী সমৰ্থকে লিখিছে, ‘আৰক্ষীয়ে সোণাক্ষীক গ্ৰেপ্তাৰ কৰা কাৰ্যত মই আচৰিত হৈছো’। ইফালে আন এজনে লিখিছে, ‘মই জানিব বিচাৰিছো যে সোণাক্ষী সঁচাই জেইলত আছে নেকি’।
Guys have you seen this video? This is unbelievable, Totally shocked to see bollywood actress Sonakshi Sinha is behind bars #AsliSonaArrested @sonakshisinha pic.twitter.com/VINWRyykzV
— आध्या (@rame5h_) August 6, 2019
আচলতে এই ভিডিঅ’টোৰ সত্যতা কিছু বেলেগ। এক সূত্ৰৰ পৰা জানিব পৰা অনুসৰি অভিনেত্ৰী গৰাকীয়ে কস্মেটিক ব্ৰেণ্ডৰ বিজ্ঞাপনৰ বাবে শ্বুটিঙত ব্যস্ত। আৰু ভাইৰেল হোৱা ভিডিঅ’টো বিজ্ঞাপনৰে অংশ বুলি বহুতে জানিবলৈ দিয়ে।
এই পৰ্যন্ত ভিডিঅ’টোৰ সত্য সত্যতা সম্পৰ্কে অভিনেত্ৰী গৰাকীৰ ফালৰ পৰা কোনো স্পষ্টীকৰণ অহা নাই সেই বাবে ভিডিঅ’টোৰ আচল ৰহস্য সকলোৱে জানিব বিচাৰি আছে।
