পুনৰ মানৱ সমাজক লজ্জানত কৰা ঘটনা ৷ নিজ পিতৃৰ কামনাৰ বলি হ’ল ১৪ বছৰীয়া কিশোৰী ৷ গোৱালপাৰা জিলাৰ ধূপধৰাৰ শিমলাবাৰী গাঁৱত সংঘটিত হৈছে এই জঘন্য ঘটনা ৷
ধূপধৰা আৰক্ষী থানাৰ অন্তৰ্গত শিমলাবাৰী গাঁৱত এগৰাকী লোকে নিজ কন্যাক দীৰ্ঘদিনৰ পৰা চলাই থকা যৌন নিৰ্যাতনৰ অভিযোগ উঠাৰ পিছতে লোক জনক ৰাইজে গাঁৱত আৱদ্ধ কৰি ৰাখে ৷
স্থানীয় ৰাইজে ঘটনা সন্দৰ্ভত ধূপধৰা আৰক্ষীক খবৰ দিয়ে ৷ উল্লেখ্য যে, দীৰ্ঘদিনৰ পৰা নিজ পিতৃয়ে চলাই অহা যৌন নিৰ্যাতনৰ বিষয়ে ভুক্তভোগী কিশোৰী গৰাকীয়ে নিজৰ মাকক অৱগত কৰে ৷
তাৰ পিছতে স্থানীয় ৰাইজে লোক জনক আৱদ্ধ কৰি ৰাখি আৰক্ষীক খবৰ দিয়ে ৷ পৰৱৰ্তী পৰ্যায়ত ধূপধৰা আৰক্ষীয়ে ঘটনাস্থলীত উপস্থিত হৈ পিতৃক আটক কৰি ধূপধৰা থানালৈ লৈ আনে ৷
আনহাতে অভিযুক্ত পিতৃক স্থানীয় ৰাইজে চেন্দেল, জোতাৰ মালা পিন্ধাই বিভিন্ন শ্ল’গান দি উপযুক্ত শাস্তি প্ৰদানৰ দাবী উত্থাপন কৰে ৷
পৰৱৰ্তী পৰ্যায়ত আচামী গৰাকীক গোচৰ ৰুজু কৰাৰ অন্তত জেল হাজোতলৈ প্ৰেৰণ কৰা হয় ৷