সোমবাৰে হিউষ্টনৰ উইলিয়াম পি. হবি বিমানবন্দৰৰ পৰা ফিনিক্সলৈ যোৱা চাউথৱেষ্ট এয়াৰলাইন্সৰ বিমানত সংঘটিত হয় এক চাঞ্চল্যকৰ কাণ্ড।
মাজ আকাশত হঠাতে এগৰাকী মহিলা যাত্ৰী উলংগ হৈ বিমানৰ ভিতৰতে নাচিবলৈ ধৰিলে। এই ঘটনাত স্তম্ভিত হৈ পৰে বিমানখনৰ আন যাত্ৰীসকল।
পৰিস্থিতি এনে এটা পৰ্যায় পালে যে বিমানখনৰ পাইলটে বিমানখন অৱতৰণ কৰিবলৈ বাধ্য হয়।
বিমান যাত্ৰী মেচি এষ্টেভেজে কয় যে মহিলাগৰাকীয়ে প্ৰায় ডেৰ ঘণ্টা ধৰি বিমানখনৰ ভিতৰত ঘূৰি ফুৰিছিল আৰু তাৰ পিছত কৰ্তৃপক্ষই তেওঁক আটক কৰিছিল।
হিউষ্টন আৰক্ষী বিভাগে তেওঁক জিম্মাত লৈছিল আৰু এই কাণ্ডৰ পিছত চাউথৱেষ্ট এয়াৰলাইন্সে এক বিবৃতি জাৰি কৰি যাত্ৰীসকলৰ অসুবিধাৰ বাবে ক্ষমা বিচাৰিছিল।
বিবৃতিটোত কোৱা হৈছে যে, ‘সোমবাৰে বিয়লি হিউষ্টনৰ পৰা ফিনিক্সলৈ যোৱা ৭৩৩ নং বিমানখনে এগৰাকী যাত্ৰীৰ অস্বাভাৱিক আচৰণৰ বাবে অৱতৰণ কৰিবলৈ বাধ্য হৈছিল।’
