ক’ৰ’ণাতংকৰ বাবে বহুদিন ধৰি বন্ধ হৈ থকা ৰে’ল সেৱা পুনৰ স্বাভাৱিক হ’বলৈ ধৰাৰ সময়তে আজি পুৱাই ৰে’লত সংঘটিত হয় এক ভয়ংকৰ অঘটন।
নতুন দিল্লী অভিমুখী ৰাজধানী এক্সপ্ৰেছত আজি সূত্ৰপাত ঘটে এক অগ্নিকাণ্ডৰ।
শনিবাৰে ফকিৰাগ্ৰাম ৰে’ল ষ্টেশ্যনৰ সমীপত সংঘটিত হৈছে এই ঘটনা।
জানিব পৰা মতে ৰে’লখনৰ বি ৭ নম্বৰ ডবাত সংঘটিত হয় অগ্নিকাণ্ড।
জুই লগাৰ পিছতে তাৎক্ষনিকভাৱে ৰে’লখনত উদ্ধৰ অভিযান চলায় এন চি চিৰ এটা দলে।উল্লেখ্য এন চি চিৰ দলটোৱে অসমৰ পৰা দিল্লীলৈ গৈ আছিল।
গণতন্ত্ৰ দিৱসৰ পেৰেডৰ অনুশীলনৰ বাবে দিল্লীলৈ গৈ আছিল এন চি চিৰ দলটো
এন চি চি দলৰ এই তাৎক্ষনিক পদক্ষেপৰ বাবে ৰক্ষা পৰে ৰে’লখনৰ বহুকেইগৰাকী যাত্ৰী।
জুইলগাৰ ফলত হোৱা ক্ষয়-ক্ষতিৰ সৱিশেষ তথ্য এতিয়াও জানিব পৰা হোৱা নাই।
বিদ্যুতৰ শ্বৰ্ট চাৰ্কিটৰ বাবেই অগ্নিকাণ্ডটোৰ সূত্ৰপাত ঘটা বুলি সন্দেহ কৰা হৈছে। অৱশ্যে সঠিক তদন্তৰ পিছতহে জুই লগাৰ প্ৰকৃত কাৰণ জানিব পৰা যাব।
