বৃহস্পতিবাৰে আবেলি ৫-৩০ বজাত বঙাইগাওঁ জিলাৰ মাণিকপুৰ আৰক্ষী থানাৰ অন্তৰ্গত কুশামাৰীত সংগঠিত হয় এক গুলীচালনাৰ ঘটনা। এই ঘটনাই অঞ্চলব্যাপী তীব্ৰ চাঞ্চল্যৰ সৃষ্টি কৰিছে ।
জানিব পৰা মতে এজন যুৱ ব্যৱসায়ীক আবেলি গুলীয়াই নিৰ্বিঘ্নে পলায়ন কৰে দুৰ্বৃত্তৰ দলটোৱে।
কঁকালত গুলিবিদ্ধ যুৱক ৰফিকুল ইছলাম অচেতন হৈ ৰাস্তাত ঢলি পৰে।
তৎমূহুৰ্ততে স্থানীয় ৰাইজৰ সহযোগত বঙাইগাওঁ লৱাৰ আসাম ব্যাক্তিগত চিকিৎসালয়ত তেওঁক ভৰ্তি কৰোৱা হয়।
ঘটনাৰ সংবাদ লাভ কৰি বঙাইগাঁও জিলাৰ মাণিকপুৰ আৰক্ষী থানাৰ আৰক্ষীয়ে কুৰ্শামাৰী পাতিলাদহা-আলুখুন্দা পথৰ ঘটনাস্থলীত উপস্থিত হৈ তদন্ত আৰম্ভ কৰে।
স্হানীয় ৰাইজে জানিবলৈ দিয়া মতে ৰফিকুল ইছলাম(৩৫) নামৰ ব্যৱসায়ী জনে মটৰ চাইকেলেৰে পাতিলাদহাৰ পৰা নিজ গৃহলৈ গৈ থাকোঁতে গুলিচালনাৰ ঘটনাটো ঘটে।
গুলীবিদ্ধ যুৱক ৰফিকুল ইছলামৰ ঘৰ চিৰাঙ জিলাৰ পাণবাৰী আৰক্ষী থানাৰ অন্তৰ্গত ২নং গৰাইমাৰীত বুলি জানিব পৰা গৈছে।
ঘটনা সংক্ৰান্তত মাণিকপুৰ আৰক্ষী থানাৰ ভাৰপ্ৰাপ্ত আৰক্ষী বিষয়া ধনঞ্জয় দাসে জানিব দিয়া মতে আৰক্ষীয়ে তদন্ত অব্যাহত ৰাখিছে আৰু অপৰাধীক শীঘ্ৰে গ্ৰেপ্তাৰ কৰিব পৰা হ’ব।
অৱশ্যে এই সংবাদ লিখাৰ সময়লৈকে কাকো গ্ৰেপ্তাৰ কৰিব পৰা নাই ।