মুখ্যমন্ত্ৰী ড০ হিমন্ত বিশ্ব শৰ্মাই মঙলবাৰে ঘোষণা কৰে যে শেহতীয়াকৈ দিল্লীত সংঘটিত হোৱা বিস্ফোৰণ সম্পৰ্কত ছ‘চিয়েল মিডিয়াত আপত্তিজনক আৰু উচতনিমূলক মন্তব্য দিয়াৰ অভিযোগত ৰাজ্যখনৰ বিভিন্ন জিলাৰ পাঁচজন ব্যক্তিক গ্ৰেপ্তাৰ কৰা হৈছে।
মুখ্যমন্ত্ৰীয়ে তেওঁৰ ফেচবুক পোষ্টত প্ৰকাশ কৰে যে অসম আৰক্ষীয়ে গ্ৰেপ্তাৰ কৰা ব্যক্তিসকল হ‘ল – মতিউৰ ৰহমান (দৰং), হাছান আলী মণ্ডল (গোৱালপাৰা), আব্দুল লতিফ (চিৰাং), ৱাজহুল কামাল (কামৰূপ) আৰু নূৰ আমিন আহমেদ (বঙাইগাঁও)।
শৰ্মাই কয় যে ঘৃণা বিয়পোৱা বা সন্ত্ৰাসবাদক প্ৰৰোচিত কৰিবলৈ ছ‘চিয়েল মিডিয়াৰ অপব্যৱহাৰ কৰা যিকোনো লোকৰ বিৰুদ্ধে ক্ষীপ্ৰতাৰে আৰু কঠোৰ পদক্ষেপ ল‘বলৈ অসম আৰক্ষী প্ৰতিশ্ৰুতিবদ্ধ।
মুখ্যমন্ত্ৰীয়ে লগতে কয়, “অনলাইন প্লেটফৰ্ম ব্যৱহাৰ কৰি ঘৃণা বিয়পোৱা বা সন্ত্ৰাসবাদী কাৰ্যকলাপক গৌৰৱান্বিত হোৱা লোকৰ বিৰুদ্ধে অসম আৰক্ষীয়ে তৎপৰতাৰে কাম কৰি যাব।”
