পশ্চিমবংগৰ বেলাকোবা ৰেঞ্জৰ বন বিষয়া আৰু উত্তৰ বংগ টাস্ক ফোৰ্চৰ যুটীয়া অভিযানত ২১ নৱেম্বৰত এটা বনৰৌ সহ পাঁচগৰাকী ভূটানৰ নাগৰিকক আটক কৰা হয়।
জানিব পৰা মতে, ভূটানৰ নাগৰিক কেইজনে এখন গাড়ীত বনৰৌটো লৈ আহিছিল আৰু বন বিভাগ আৰু উত্তৰ বংগ টাস্ক ফোৰ্চৰ অভিযানৰ সময়ত তেওঁলোক ধৰা পৰে।
অভিযানকাৰী দলটোৱে ভূটীয়া নাগৰিক কেইজনক অবৈধ সৰবৰাহ আৰু বনৰৌ সৰবৰাহৰ অভিযোগত গ্ৰেপ্তাৰ কৰে।
গ্ৰেপ্তাৰ কৰা ভূটীয়া নাগৰিক কেইজনৰ বিৰুদ্ধে আৰক্ষী থানাত গোচৰ ৰুজু কৰাৰ লগতে অধিক তথ্যৰ বাবে জেৰা অব্যাহত ৰখা হৈছে বুলি পশ্চিম বংগ আৰক্ষী সূত্ৰত প্ৰকাশ পাইছে।
আনহাতে, ভূটীয়া নাগৰিক কেইজনৰ পৰা ভূটানৰ নাগৰিকৰ প্ৰমাণ পত্ৰৰ লগতে মোবাইল ফোন আৰু নগদ ধনো জব্দ কৰা হৈছে।
উল্লেখযোগ্য যে, পশ্চিমবংগৰ শিলিগুৰিত মাজে সময়ে এনেদৰে নিষিদ্ধ সামগ্ৰীৰ সৈতে ভূটান, নেপাল আদি দেশৰ লোক আৰক্ষীৰ হাতত আটক হৈ আহিছে।
