অসমত গৰুৰ অবাধ চিণ্ডিকেট চলি থকাৰ সময়তে চোৰাং গৰু সৰবৰাহৰ সৈতে জড়িত থকাৰ সন্দেহত চামগুৰি আৰক্ষীয়ে পাঁচ গৰাকী যুৱকৰ লগতে ২২টাকৈ গৰুসহ এখন বাৰ চকীয়া ট্ৰাক জব্দ কৰিছে।
এম এল-০৪চি-৫৩৯৫ নম্বৰৰ ট্ৰাকখনৰ জৰিয়তে ২২টাকৈ গৰু মেঘালয়লৈ সৰবৰাহৰ চেষ্টা চলাইছিল বুলি এটা সূত্ৰই প্ৰকাশ কৰিছে।
আনহাতে গৰু সৰবৰাহৰ সন্দেহত আৰক্ষীৰ জালত পৰা লোক কেইজন মেঘালয়ৰ মিকি ধৰ, আৰবাজ ধৰ, ক্যানমৌ পাপং চামগুৰিৰ মুকচিদুল ইছলাম আৰু মুক্তাৰ হুছেইন।
ধৃত লোক কেইজনক চামগুৰি থানাত জেৰা অব্যাহত ৰখা বুলি জানিব পৰা গৈছে।
ইফালে ২২টাকৈ গৰুসহ বাহনখন চামগুৰি আৰক্ষী থানাৰ সন্মুখত ৰখাই থোৱাত স্থানীয় ৰাইজৰ মাজত তীব্ৰ কৌতুহলৰ সৃষ্টি হৈছে যদিও এই পৰ্যন্ত ঘটনা সন্দৰ্ভত আৰক্ষীয়ে সংবাদ মাধ্যমৰ সন্মুখত মন্তব্য কৰাৰ পৰা বিৰত আছে।
আনহাতে চামগুৰি আৰক্ষীয়ে ঘটনা সন্দৰ্ভত তদন্ত কৰাৰ পাছতহে সকলো কথা প্ৰকাশ কৰিব বুলি জনায়।