এক গোপন সূত্ৰৰ পম খেদি শিৱসাগৰ আৰক্ষীয়ে গাড়ী চোৰ চক্ৰৰ সৈতে জড়িত পাঁচটাকৈ চোৰ আটক কৰিবলৈ সক্ষম হয়।
কিছুদিন পূৰ্বে এই গাড়ী চোৰ চক্ৰটোৱে শিৱসাগৰৰ বিশাল মেগামাৰ্টৰ সমীপৰ পৰা এ এচ ০৪ এ চি ১৬৬০ নম্বৰৰ এখন বলে’ৰ পিক আপ গাড়ী চুৰি কৰিছিল।
শিৱসাগৰ সদৰ থানাৰ ৰুজু হৈ থকা ৮৩৪/২০২০ নম্বৰৰ গোচৰৰ ভিত্তিত শিৱসাগৰ আৰক্ষীয়ে গোলাঘাট জিলাৰ মেৰাপানীৰ পৰা গাড়ীসহ চোৰ কেইজনক গ্ৰেপ্তাৰ কৰিবলৈ সক্ষম হয়।
শিৱসাগৰ সদৰ থানাৰ নগৰ উপ পৰিদৰ্শক জ্যোতিষ্মান নেওঁগৰ নেতৃত্বত যোৱা আৰক্ষীৰ দলটোৱে যোৱা নিশা অভিযান চলায় চুৰি হোৱা বলে’ৰ পিক আপ গাড়ীৰ লগতে এখন বুলেট জব্দ কৰে।
গ্ৰেপ্তাৰ হোৱা চোৰ কেইজন হ’ল ক্ৰমে- ইন্দ্ৰ দাস (যোৰহাট বৰিগাঁও), সুমন শৰ্মা ওৰফে কচু (আৰ আৰ এল যোৰহাট), দীপক দাস ( পানীচকুৱা সৰুহোজ যোৰহাট), এলিহাজাৰ গনক (চিতলমাৰী গোলাঘাট) আৰু জিচকেল বনিয়া (চিতলমাৰী গোলাঘায়)।
বৰ্তমান চোৰ কেইজনক শিৱসাগৰ সদৰ থানাত সোধা-পোচা কৰি শিৱসাগৰ ন্যায়িক দণ্ডাধীশৰ আদালতত হাজিৰ কৰোৱা হৈছে।
উল্লেখ যোগ্য যে, দীৰ্ঘদিন ধৰি শিৱসাগৰৰ লগতে চৰাইদেউ, যোৰহাট আৰু গোলাঘাটত সন্ত্ৰাসৰ সৃষ্টি কৰি আহিছিল আন্তঃৰাষ্ট্ৰীয় গাড়ী চুৰি চক্ৰটোৱে।