ভাৰতৰ আগশাৰীৰ ব্যৱসায়িক প্ৰতিষ্ঠান আই টি চি লিমিটেডে উত্তৰ-পূবৰ বজাৰত মুকলি কৰিলে নিমপাতেৰে তৈয়াৰ কৰা এবিধ ১০০ শতাংশই একশ্যন ফ্ল’ৰ ক্লীনাৰ।
আজি গুৱাহাটীৰ তাজ ভিভাণ্টা হোটেলত ‘নিমাইল’ নামৰ এই একশ্যন ফ্ল’ৰ ক্লীনাৰবিধ মুকলি কৰা অনুষ্ঠানটোত উপস্থিত থাকে আই টি চি জীৱবিজ্ঞান আৰু প্ৰযুক্তিকেন্দ্ৰৰ প্ৰধান বৈজ্ঞানিক ড০ ৰামস্বামী আন্নাডুৰাই আৰু অসমৰ জনপ্ৰিয় অভিনেত্ৰী নিশিতা গোস্বামী।
আই টি চিয়ে বজাৰত মুকলি কৰি দিয়া এই ‘নিমাইল’ নামৰ ফ্ল’ৰ ক্লীনাৰবিধৰ বিষয়ে ড০ আন্নাডুৰায়ে কয়, “নিম শতিকা ধৰি ভাৰতীয় স্বাস্থ্যবিধিৰ অবিচ্ছেদ্য অংগ হৈ আহিছে। নিমক ইয়াৰ ঔষধি আৰু উপচাৰাত্মক কাৰ্যৰ বাবে পিছফালৰ ফাৰ্মাচি বুলি গণ্য কৰা হয়। ‘নিমাইল’ নিমৰ পৰোপকাৰিতা আৰু প্ৰাকৃতিক চাফ-চিকুণতাৰ প্ৰতিশ্ৰুতিৰ সাক্ষী।”
তেওঁ লগতে কয় যে প্ৰাকৃতিক গুণসম্পন্ন ‘নিমাইল’-এ ঘৰৰ মজিয়াখন পৰিষ্কাৰ কৰি ৰখাৰ লগতে বীজাণু নাশ কৰি শিশুৰ বেমাৰ-আজাৰৰ সাম্ভাব্য বিপদ নাইকিয়া কৰে।
অনুষ্ঠানটোত উপস্থিত থাকি অভিনেত্ৰী নিশিতা গোস্বামীয়ে কয়, “নিম বীজাণু নাশক আৰু চাফ-চিকুণতাৰ ফলপ্ৰসূ উপাদান। ‘নিমাইল’ হৈছে এক মহান আৰম্ভণি।”
তেওঁ লগতে ৰাইজৰ সন্মুখলৈ পৰিৱেশ অনুকূল মজিয়াৰ চাফ-চিকুণতাৰ বাৰ্তা সন্মুখলৈ অনাৰ বাবে আই টি চিক ধন্যবাদ জনায়।
