নিজকে দীৰ্ঘসময়ৰ বাবে শাৰীৰিক বা মানসিকভাৱে কাৰ্যক্ষম কৰি ৰাখিবলৈ দেহৰ ষ্টেমিনা বজাই ৰখাটো অত্যন্ত প্ৰয়োজনীয়। দেহৰ ষ্টেমিনাৰ লগত প্ৰায়ে শক্তি, সহনশীলতা আৰু সামগ্ৰিক ফিটনেছৰ সম্পৰ্ক থাকে।
গতিকে দেহৰ ষ্টেমিনা বৃদ্ধিৰ বাবে যত্ন লোৱাটো নিতান্তই প্ৰয়োজনীয়। এই ক্ষেত্ৰত কিছুমান বিশেষ খাদ্যই আপোনাক সহায় কৰিব পাৰে। ষ্টেমিনা বৃদ্ধিত সহায় কৰিব পৰা এনে কিছু খাদ্যৰ বিষয়ে জানো আহকঃ
১/ কল
কলত প্ৰচুৰ পৰিমাণে কাৰ্বহাইড্ৰেট, প্ৰাকৃতিক চেনি, পটাছিয়াম আদি থাকে। এই উপাদানসমূহ ষ্টেমিনা বৃদ্ধিৰ ক্ষেত্ৰত যথেষ্ট সহায়ক।
২/ অ’টচ
অ’টচত অধিক পৰিমাণে আঁহ, কাৰ্বহাইড্ৰেট, আৰু বি ভিটামিন থাকে, যি খাদ্যক শক্তিলৈ ৰূপান্তৰিত কৰাত সহায় কৰে আৰু ষ্টেমিনা বৃদ্ধি কৰে।
৩/ আলমণ্ড
আলমণ্ড স্বাস্থ্যকৰ চৰ্বি, প্ৰটিন, আৰু আঁহৰ এক উত্তম উৎস। এই উপাদানসমূহে স্থায়ী শক্তি প্ৰদান কৰে আৰু সামগ্ৰিক ষ্টেমিনা উন্নত কৰে।
৪/ পালেং
পালেঙত প্ৰচুৰ পৰিমাণে আইৰণ, মেগনেছিয়াম, আৰু ভিটামিন আদি থাকে। এই উপাদানসমূহে ৰক্তকণিকা উৎপাদন বৃদ্ধি কৰাত সহায় কৰে, অক্সিজেন পৰিবহণ উন্নত কৰে, শক্তিৰ মাত্ৰা বৃদ্ধি কৰে।
৫/ বিট
বিটত নাইট্ৰেট অধিক পৰিমাণে থাকে, যি তেজ সঞ্চালন উন্নত কৰি ষ্টেমিনা বৃদ্ধিত সহায় কৰে।
৬/ কমলা
কমলাত ভিটামিন চি, এন্টিঅক্সিডেন্ট, আৰু প্ৰাকৃতিক চেনি থাকে। এই উপাদানসমূহে শক্তিৰ মাত্ৰা উন্নত কৰে, ক্লান্তি ৰোধ কৰে, আৰু ষ্টেমিনা বৃদ্ধি কৰে।
৭/ গ্ৰীণ টি
গ্ৰীণ টিত কেফেইন আৰু এন্টিঅক্সিডেন্ট থাকে, যি বিপাকীয় ক্ৰিয়া বৃদ্ধি কৰে, শক্তি প্ৰদান কৰে, সহনশীলতা বৃদ্ধি কৰে।
