নগাঁও জিলাৰ শালনা বনাঞ্চলিক কাৰ্যালয়ৰ অন্তৰ্গত কেলিডেন চাহ বাগিচা অঞ্চলৰ বামুনীৰ পৰা মঙলবাৰে নিশা বনৰক্ষীৰ এটা দলে অভিযান চলাই এখন চোৰাং কাঠ ভৰ্তি টাটা মোবাইল গাড়ী জব্দ কৰে। লগতে চালকজনকো আটক কৰিবলৈ সক্ষম হয়।
জানিব পৰা মতে মঙলবাৰে নিশা প্ৰায় ৯-৩০ বজাত শালনা বনাঞ্চলিক কাৰ্যালয়ৰ এটি বনৰক্ষী দলে এক গোপন সূত্ৰৰ আধাৰত কেলিডেন অঞ্চলত অভিযান চলায়।
অভিযানকালতে বনৰক্ষীৰ দলটোৱে এ এছ ১৩ চি ০৪৬০ নম্বৰৰ চোৰাং কাঠ ভৰ্তি বাহনখন জব্দ কৰিবলৈ সক্ষম হয়। লগতে বাহনখনৰ চালক ইমান আলীকো আটক কৰবিলৈ সক্ষম হয়।
জব্দ কৰা বাহনখনত প্ৰায় এক লক্ষাধিক টকাৰ চোৰাং মাকৈ, শাল আৰু শিহাৰু কাঠ আছিল। পিছত অভিযানকাৰীৰ দনটোৱে চোৰাং কাঠসহ বাহনখন শালনা বনাঞ্চলিক কাৰ্যালয়লৈ আনে।
ইফালে আটকাধীন চালক ইমান আলীক আজি কলিয়াবৰ আদালতত হাজিৰ কৰাই জে’ল হাজোতলৈ প্ৰেৰণ কৰা বুলি জানিব পৰা গৈছে।
