বোমা বিস্ফোৰণত গুৰুত্তৰভাৱে জখম হ’ল মালদ্বীপৰ প্ৰাক্তন ৰাষ্ট্ৰপতি তথা সংসদৰ বৰ্তমান অধ্যক্ষ মহম্মদ নাশ্বিদ।
বৰ্তমান তেওঁক চিকিৎসালয়ত ভৰ্তি কৰোৱা হৈছে।
মালদ্বীপ ডেম’ক্ৰেটিক পাৰ্টিৰ এগৰাকী নেতাই এই ঘটনা সম্পৰ্কত কয় যে গাড়ী বিস্ফোৰণ কৰি প্ৰাক্তন ৰাষ্ট্ৰপতিজনক হত্যাৰ চেষ্টা চলোৱা হৈছিল।
বিষয়টো তদন্ত কৰা হ’ব বুলিও তেওঁ কয়।
বৃহস্পতিবাৰে ৰাজধানী চহৰ মালে-ৰ এক ব্যস্ত অঞ্চলত বিস্ফোৰণটো সংঘটিত হৈছে।
চৰকাৰী সূত্ৰই জনায় যে সেইসময়ত নিজৰ বাহনত উঠিবলৈ গৈছিল নাশ্বিদ।
তৎক্ষণাত কাষতে থকা এখন মটৰবাইকত প্ৰচণ্ড শব্দ কৰি এটা বিস্ফোৰণ ঘটে।
বিস্ফোৰণত আঘাট পাই ৫৩ বছৰীয়া নাশ্বিদ ৰক্তাক্ত অৱস্থাৰে মাটিত লুটি খাই পৰে।
লগালগ তেওঁক চিকিৎসালয়ত ভৰ্তি কৰোৱা হয়।
চিকিৎসালয়খনে জনোৱামতে, শৰীৰৰ একাধিক অংশত আঘাট পাইছে নাশ্বিদে।
বৰ্তমানলৈকে পোৱা তথ্য অনুসৰি জনা গৈছে যে মটৰবাইকখনত উচ্চ ক্ষমতাসম্পন্ন বিস্ফোৰক বান্ধি থোৱা আছিল।
নাশ্বিদক হত্যাৰ পৰিকল্পনাক কৰিয়েই এয়া কৰা হৈছে বুলি প্ৰাথমিক তদন্তত অনুমান কৰা হৈছে।
দেশখনৰ প্ৰধানমন্ত্ৰী ইব্ৰাহিম মহম্মদ শ্বোলীয়েও সেই কথাই কৈছে।
বিষয়টো সন্দৰ্ভত উচ্চ পৰ্যায়ৰ তদন্ত কমিটি গঠন কৰা হৈছে।
আৰক্ষীয়ে অঞ্চলটো তালাচী চলায়।
স্থানীয় বাসিন্দাসকলে জনোৱামতে, বিস্ফোৰণ ইমানেই তীব্ৰ আছিল যে চহৰখনৰ শেষ প্ৰান্তপৰ্যন্ত তাৰ শব্দ শোনা গৈছিল।
সুদীৰ্ঘ ৰাজনৈতিক জীৱনত নানা ধৰণৰ বিতৰ্কৰে সাঙোৰ খাই পৰা নাশ্বিদে ২০০৮ চনৰ পৰা ২০১২ চনলৈকে ৰাষ্ট্ৰপতি হিচাপে কাৰ্যনিৰ্বাহ কৰিছিল।