নাগালেণ্ড, মণিপুৰৰ প্ৰাক্তন ৰাজ্যপাল, চিবিআইৰ ভূতপূৰ্ব সঞ্চালক অশ্বনী কুমাৰক বুধবাৰে চিমলাৰ নিজ ঘৰত চিপ লোৱা অৱস্থাত উদ্ধাৰ কৰা হৈছে।
তেওঁৰ বয়স আছিল ৬৯ বছৰ।
বাতৰিমতে, কুমাৰ যোৱা কেইবা সপ্তাহ ধৰি বিষণ্ণতাত ভুগি আছিল।
বাতৰিমতে, আৰক্ষীৰ এটা দল কুমাৰৰ ঘৰলৈ গৈছে।
২০১৩ আৰু ২০১৪ ভিতৰত তেওঁ নাগালেণ্ডৰ ৰাজ্যপাল আছিল। একে সময়চোৱাত তেওঁ মণিপুৰৰো ৰাজ্যপাল আছিল।
কুমাৰ হিমাচল প্ৰদেশ কেডাৰৰ আই পি এছ বিষয়া আছিল।
চিবিআইৰ সঞ্চালক হোৱাৰ পূৰ্বে ২০০৬ৰ পৰা ২০০৮ৰ ভিতৰত তেওঁ হিমাচল প্ৰদেশ আৰক্ষীৰ সঞ্চালকপ্ৰধান আছিল।
