বৰিছ জনছনে ব্ৰিটেইনৰ সংসদ সদস্য (এম পি) পদৰ পৰাও পদত্যাগ কৰিছে। শুকুৰবাৰে ‘পাৰ্টিগেট কেলেংকাৰী’ৰ তদন্তৰ প্ৰতিবেদনৰ পিছতে তেওঁ পদত্যাগ ঘোষণা কৰে।
বৰিছৰ মতে, বিশেষাধিকাৰ সমিতিৰ প্ৰতিবেদনৰ বাবেই তেওঁ পদত্যাগ কৰিবলৈ বাধ্য হৈছে। সেই তদন্তৰ প্ৰতিবেদনত তেওঁক সাংসদ পদৰ পৰা অন্যায়ভাৱে বহিষ্কাৰ কৰাৰ চেষ্টা কৰা হৈছে।
ইয়াৰ পূৰ্বে শুকুৰবাৰে পুৱা জনছনে বিশেষাধিকাৰ কমিটীৰ তদন্ত প্ৰতিবেদনৰ এটা প্ৰতিলিপি লাভ কৰে। বৰিছৰ মতে এই প্ৰতিবেদন বিভ্ৰান্তিকৰ, অসত্য আৰু পক্ষপাতিত্বৰে পৰিপূৰ্ণ।
লগতে পঢ়ক: আমেৰিকাৰ পাৰমাণৱিক কাৰ্যসূচীৰ গোপন নথি-পত্ৰ বাথৰুমতো ৰাখিছিল প্ৰাক্তন ৰাষ্ট্ৰপতি ট্ৰাম্পে
শুকুৰবাৰে সন্ধিয়া এক বিবৃতিত বৰিছে দাবী কৰে যে কমিটীয়ে নিজৰ প্ৰতিবেদনত এটাও প্ৰমাণ দাঙি ধৰিব পৰা নাই যে তেওঁ ইচ্ছাকৃতভাৱে হাউছ অৱ কমনছ (সংসদৰ নিম্ন সদন)ক বিপথে পৰিচালিত কৰিছে।
ইয়াৰ পূৰ্বে মাৰ্চ মাহত বৰিছে তদন্ত সমিতিৰ সন্মুখত স্বীকাৰ কৰিছিল যে তেওঁ কৰ’নাৰ নিয়ম অৱমাননা কৰি বন্ধু-বান্ধৱীৰ সৈতে ডিনাৰ পাৰ্টি আয়োজন কৰি সংসদক বিপথে পৰিচালিত কৰিছিল। কিন্তু তেওঁ ইচ্ছাকৃতভাৱে সেয়া কৰা নাই বুলিও কৈছিল ।
২০২০-২১ চনত কৰ’না মহামাৰীৰ সময়ত ব্ৰিটেইনত বিভিন্ন নিষেধাজ্ঞা প্ৰযোজ্য আছিল। তাৰ পিছত প্ৰধানমন্ত্ৰী বৰিছে লকডাউনৰ নিয়ম ভংগ কৰি নিজৰ কাৰ্যালয়ত কেইবাবাৰো নৈশ আহাৰ অনুষ্ঠানৰ আয়োজন কৰে। যাৰ বাবে তেওঁ প্ৰশ্নৰ সন্মুখীন হ’বলগীয়া হ’ল।
লগতে পঢ়ক: সুন্দৰীৰে ভৰি পৰিব দেশ! তিনি দশকৰ পাছত এইবাৰ ভাৰতত অনুষ্ঠিত হ’ব ‘মিছ ৱৰ্ল্ড’ প্ৰতিযোগিতা
এই বিষয়টোক ‘পাৰ্টি গেট কেলেংকাৰী’ বুলি জনা যায়। এই অভিযোগৰ ভিত্তিত বৰিছে ২০২২ চনৰ ৭ জুলাইত প্ৰধানমন্ত্ৰী পদৰ পৰা পদত্যাগ ঘোষণা কৰিবলগীয়া হৈছিল।
