দলৰ গোপন তথ্য বুকীক যোগান ধৰি নিষিদ্ধ হ’ল প্ৰশিক্ষকৰ দায়িত্বত থকা এইজন তাৰকা ক্ৰিকেটাৰ

আইচিচিয়ে দুৰ্নীতিৰ অভিযোগত তেওঁক নিষিদ্ধ ঘোষণা কৰিছে।

অভিযোগমতে, ৪৭ বছৰীয়া প্ৰাক্তন ফাষ্ট বলাৰজনে ‘মিষ্টাৰ এক্স’ নামৰ এজন ভাৰতীয় বুকীৰ স’তে অবৈধ লেন-দেন কৰিছিল।

উল্লেখযোগ্য যে জিম্বাব’ৱে ক্ৰিকেট দল আৰু এছিয়া মহাদেশৰ বহুকেইটা ঘৰুৱা টি২০ লীগৰ বিভিন্ন দলৰ তেওঁ প্ৰশিক্ষক হিচাপে দায়িত্ব পালন কৰি আহিছিল।

প্ৰশিক্ষকৰ দায়িত্ব পালন কৰি থকা অৱস্থাত তেওঁ মেচসমূহৰ বিতং তথ্য আৰু খেলুৱৈসকলৰ ব্যক্তিগত যোগাযোগৰ তথ্যসমূহ বুকীক যোগান ধৰিছিল।

তাৰ বিনিময়ত তেওঁ দুটাকৈ বিটকইন (Bitcoin) আৰু তেওঁৰ পত্নীৰ বাবে এটা আইফোন লাভ কৰিছিল।

উল্লেখযোগ্য এটা বিটকইন মূদ্ৰাৰ মূল্য ভাৰতীয় টকাৰ হিচাপত ৪৭,২৪,৫২৪.৪১ টকা।

উল্লেখযোগ্য যে এগৰাকী পেচাৰ হিচাপে তেওঁ জিম্বাব’ৱেৰ আটাইতকৈ সফল বলাৰ।

দেশখনৰ আটাইতকৈ সৰহ উইকেট তেওঁৰ নামতে আছে।

তদুপৰি ইংলেণ্ডৰ লৰ্ডছ ক্ৰিকেট গ্ৰাউণ্ডত তেওঁৰ নামত এক বিশেষ সন্মানো আছে (Lord’s honours board)।

আইচিচিয়ে তথ্য লাভ কৰে যে ২০১৮ চনত তেওঁ কেইবাটাও ক্ৰিকেটবিৰোধী কাণ্ডত লিপ্ত আছিল।

উক্ত বৰ্ষটোত জিম্বাব’ৱে, বাংলাদেশ আৰু শ্ৰীলংকাৰ মাজত হোৱা ত্ৰিদেশীয় শৃংখলা, আইপিল আৰু আফগানিস্তান প্ৰিমিয়াৰ লীগত তেওঁ প্ৰশিক্ষক হিচাপে আছিল।