Four Assam workers arrested for the murder তামিলনাডুৰ তিৰুচিৰাপল্লী জিলাৰ মানিকান্দম অঞ্চলৰ এজন ৩৩ বছৰীয়া ব্যক্তি হত্যাকাণ্ডত জড়িত থকাৰ সন্দেহত অসমৰ চাৰিজন প্ৰব্ৰজনকাৰী শ্ৰমিকক গ্ৰেপ্তাৰ কৰা হৈছে।
থিৰুভেৰুম্বুৰৰ দক্ষিণে থুভাকুডি মালাইৰ বনদয়াৰ পথৰ হত্যাৰ বলি কে চক্ৰৱৰ্তী বুলি চিনাক্ত কৰা লোকজনৰ মৃতদেহ শনিবাৰে ত্ৰিচীৰ মানিকান্দম অঞ্চলৰ এটা কাঠৰ মিলত এডাল গছত বান্ধি থোৱা অৱস্থাত পোৱা গৈছিল। তেওঁৰ শৰীৰটো চোঁচৰা খোৱা আৰু ফুলা অৱস্থাত পোৱা গৈছিল।
লগতে পঢ়ক: বৰপেটা জিলা কাৰাগাৰত চাঞ্চল্য: কাৰাগাৰ চৌহদৰ ভিতৰত উদ্ধাৰ কয়দীৰ মৃতদেহ
টাইমছ অৱ ইণ্ডিয়াৰ বাতৰি মতে, মানিকান্দম আৰক্ষীয়ে ঘটনাটোৰ তদন্ত আৰম্ভ কৰে আৰু কাঠৰ মিলটোৰ চাৰিজন কৰ্মী অসমৰ- ৩৬ বছৰীয়া এ ফৈজাল হক, ২২ বছৰীয়া এ ৰছিদুল ৰহমান, ২২ বছৰীয়া এম ছোচিদুল শ্বেইক আৰু ২৮ বছৰীয়া ৱাই মুচিফুল হকক আটক কৰে।
আৰক্ষীয়ে কয় যে আশাপুৰা কাঠৰ মিলটো সঞ্জীৱী নগৰৰ ৪২ বছৰীয়া পি দিৰেণ্ডাৰে চলাই আছিল। শুকুৰবাৰে সন্ধিয়া চক্ৰৱতীয়ে মিললৈ গৈছিল আৰু দিৰেণ্ডাৰৰ মোবাইল ফোন চুৰি কৰাৰ অভিযোগ উঠিছিল।
আৰক্ষীয়ে জনায় যে শ্ৰমিকসকলে তেওঁক হাতেলোটে ধৰিছিল আৰু সতৰ্কবাণী দি তেওঁক খেদি পঠিয়াইছিল। কেইঘণ্টামানৰ পিছত পুনৰ চক্ৰৱৰ্তী মিলটোলৈ ঘূৰি আহিছিল।
লগতে পঢ়ক: বিৰোধীক দমনৰ নিকৃষ্ট পন্থা! সাতজন শিক্ষাৰ্থীক মৃত্যুদণ্ড দিলে ম্যানমাৰৰ সামৰিক জুন্টা চৰকাৰে
চক্ৰৱৰ্তীয়ে চুৰি কৰাৰ উদ্দেশ্যৰে ঘূৰি আহিছিল বুলি ধৰি লৈ শ্ৰমিকসকলে তেওঁক ধৰি গছত বান্ধি থৈছিল। তেওঁলোকে তেওঁক হাতেৰে আক্ৰমণ কৰিছিল আৰু গোটেই ৰাতি গছত বান্ধি ৰাখিছিল।শনিবাৰে ৰাতিপুৱা যেতিয়া শ্ৰমিকসকল ঘূৰি আহিছিল তেওঁলোকে চক্ৰৱৰ্তীক মৃত অৱস্থাত পাইছিল।
এজন অভিযান্ত্ৰিক স্নাতক মৃত চত্ৰৱৰ্তীৰ পত্নী আৰু এটা ছয়মহীয়া পুত্ৰ সন্তান আছে।
