গাড়ী চলাই থকা সময়তে চালকজন হাৰ্ট এটেকত আক্ৰান্ত হয়। ফলত নিয়ন্ত্ৰণ হেৰুৱাই ইখনৰ পিছত সিখন গাড়ীত খুন্দা মাৰে। এই ঘটনাত ৪ জন লোকৰ মৃত্যু হয় আৰু কমেও ৪জন আহত হয়। মহাৰাষ্ট্ৰৰ থানেত সংঘটিত হৈছে এই ঘটনা।
আৰক্ষীৰ সূত্ৰ অনুসৰি শুকুৰবাৰে নিশা থানেৰ অম্বাৰনাথ ফ্লাই অভাৰ এলেকাত সংঘটিত হয় এই দুৰ্ঘটনা।
জানিব পৰা মতে, গাড়ীখনত আছিল তাৰ স্থানীয় নিৰ্বাচনত শিৱসেনাৰ প্ৰাৰ্থী কিৰণ চৌবে। তেওঁৰ লগত কেইজনমান সংগীও আছিল। গাড়ীখন তেওঁৰ চালক লক্ষ্মণ সিন্দেই চলাই আহিছিল।
সূত্ৰৰ পৰা জানিব পৰা মতে, অম্বাৰনাথ উৰণীয়া সেঁতুত গাড়ী চলাই যাওঁতে লক্ষ্মণ সিন্দে হাৰ্ট এটেকত আক্ৰান্ত হয়। ফলত তেওঁ গাড়ীখন আৰু নিয়ন্ত্ৰণ কৰিব নোৱাৰিলে। গাড়ীখনে কেইবাখনো গাড়ী আৰু এখন মটৰ চাইকেলত খুন্দা মাৰে। ইয়াৰ পিছত ওলটি পৰে।
জানিব পৰা মতে, দুৰ্ঘটনাটোৰ পিছত স্থানীয় ৰাইজে গাড়ীখনৰ যাত্ৰীসকলক উদ্ধাৰ কৰে। কিৰণ চৌবেক উদ্ধাৰ কৰি আহত অৱস্থাত চিকিৎসালয়লৈ লৈ যোৱা হয়। তেওঁৰ শাৰীৰিক অৱস্থা এতিয়া সুস্থিৰ। তেওঁ কয় যে গাড়ী চলাই থকা অৱস্থাত হঠাৎ অসুস্থ হৈ পৰে লক্ষ্মণ। ফলত এই দুৰ্ঘটনা সংঘটিত হয়।
আৰক্ষীয়ে জনোৱা মতে, কিৰণ চৌবে এই ঘটনাৰ পৰা ৰক্ষা পৰে যদিও চালক আৰু দুজন সংগী সুমিত চেলানী আৰু শৈলেশ যাদৱৰ মৃত্যু হয়।
এই দুৰ্ঘটনাত স্থানীয় পৌৰসভাৰ কৰ্মী চন্দ্ৰকান্ত আনাৰ গুৰুতৰভাৱে আহত হয়। তেওঁ মটৰ চাইকেলত উঠি আহিছিল। পিছত চিকিৎসালয়তে মৃত্যু হয় চন্দ্ৰকান্তৰ। চন্দ্ৰকান্তৰ দুই সংগী বৰ্তমান চিকিৎসালয়ত চিকিৎসাধীন হৈ আছে।
আৰক্ষীয়ে দুৰ্ঘটনাৰ কাৰণৰ তদন্ত অব্যাহত ৰাখিছে। কিন্তু বিষয়াসকলৰ মতে গাড়ীখনৰ চালকজনৰ হাৰ্ট এটেকৰ বাবেই দুৰ্ঘটনাটো সংঘটিত হোৱা বুলি ধাৰাণা।
