পাকিস্তান-আফগানিস্তান সীমান্তৰ সমীপত অৱস্থিত দুটা চেকপইণ্টত বুধবাৰে এক ভয়াৱহ আক্ৰমণ চলায় তালিবান সন্ত্ৰাসবাদীয়ে। এই আক্ৰমণত চাৰিগৰাকী পাকিস্তানী জোৱান নিহত হোৱাৰ লগতে ৭ সাতগৰাকী জোৱান আহত হয়।
প্ৰকাশিত খবৰ অনুসৰি, অত্যাধুনিক অস্ত্ৰৰে সজ্জিত তালিবান সন্ত্ৰাসবাদীৰ এটা বৃহৎ দলে পাকিস্তান-আফগানিস্তান সীমান্তৰ ওচৰত অৱস্থিত চিত্ৰালত থকা দুটা পাকিস্তানী সামৰিক চকীত আক্ৰমণ চলায়।
এই আক্ৰমণৰে দৃশ্য বুলি দাবী কৰি ইণ্টাৰনেটত প্ৰচাৰিত এক ভিডিঅ’ত পাকিস্তানৰ বিশেষ সেৱা গোটৰ বন্দী জোৱানসকলে তালিবান যোদ্ধাৰ সন্মুখত আঁঠু কাঢ়ি বহি থকা দেখা গৈছে।
নিষিদ্ধ তেহৰিক-ই-তালিবান পাকিস্তানে চিত্ৰাল জিলাৰ অ’ষ্টাই নিৰাপত্তা চেকপইণ্ট আৰু জাঞ্জীৰাট কোহ চেকপইণ্ট দুয়োটা আক্ৰমণৰ দায়িত্ব স্বীকাৰ কৰিছে।
অষ্টাইৰ নিৰাপত্তা চেকপইণ্টত সংঘটিত হোৱা আক্ৰমণত দুজন জোৱানৰ মৃত্যু হোৱাৰ বিপৰীতে জাঞ্জীৰা চেকপইণ্টত সংঘটিত আক্ৰমণত দুজন জোৱান নিহত হোৱাৰ লগতে আন চাৰিজন আহত হয়।
