Model gang-raped inside a moving car in Kochi এগৰাকী ১৯ বছৰীয়া মডেলক কেৰালাৰ কোচিত চলন্ত গাড়ীত দলবদ্ধ ধৰ্ষণ কৰাৰ অভিযোগ উত্থাপিত হৈছে। ঘটনা সন্দৰ্ভত আৰক্ষীয়ে তিনিজন যুৱক আৰু এগৰাকী মহিলাক জিম্মাত লৈছে। আনহাতে, যুৱতীগৰাকীক চিকিৎসালয়ত ভৰ্তি কৰোৱা হৈছে।
বাতৰি অনুসৰি, ঘটনাটো বৃহস্পতিবাৰে নিশা সংঘটিত হৈছিল। যুৱতীগৰাকী কোচিৰ এখন বাৰলৈ গৈছিল। তেওঁ সুৰাপান কৰা অৱ স্থাত আছিল। যুৱতীগৰাকীয়ে নিশা বাৰৰ পৰা ওলাই ঘৰলৈ যোৱাৰ বাবে গাড়ী অপেক্ষা কৰি আছিল। সেই সময়তে অভিযুক্তকেইজনে তেওঁক ঘৰত পৌছাই দিয়াৰ কথা কয়। সেইদৰে যুৱতীগৰাকী অভিযুক্তৰ গাড়ীত উঠে।
লগতে পঢ়ক: প্ৰথমবাৰৰ বাবে পিতৃৰ হাত ধৰি ক্ষেপণাস্ত্ৰ ঘাঁটিত কিম জঙৰ কন্যা
অভিযোগ অনুসৰি গাড়ীত উঠাৰ পিছত যুৱককেইজনে যুৱতীগৰাকীক নিৰ্যাতন কৰিবলৈ আৰম্ভ কৰে। তাৰ পিছত তেওঁক দলবদ্ধ ধৰ্ষণ কৰা হৈছিল বুলি অভিযোগ কৰা হৈছে। অভিযুক্তকেইজনে যুৱতীগৰাকীক নিশা ঘৰৰ ওচৰৰ এঠাইত এৰি থৈ পলাই যায়। যুৱতীগৰাকীক তেওঁৰ ৰুমমেটে দ্বাৰা উদ্ধাৰ কৰি চিকিৎসালয়ত ভৰ্তি কৰায়।
আৰক্ষীয়ে জানিবলৈ দিয়া মতে যুৱতীগৰাকীৰ শৰীৰত আঘাতৰ চিহ্ন আছে। তেওঁ বৰ্তমান এখন চিকিৎসালয়ত চিকিৎসাধীন হৈ আছে। ঘটনাটো চিকিৎসালয়ৰ পৰাই আৰক্ষীক জনোৱা হৈছিল। ভাৰতীয় দণ্ডবিধিৰ ৩৭০ আৰু ৩৭৬ ধাৰাৰ অধীনত এজাহাৰ পঞ্জীয়ন কৰা হৈছে।
লগতে পঢ়ক: অভূতপূৰ্ব সিদ্ধান্ত! চেতন শৰ্মা নেতৃত্বাধীন নিৰ্বাচক সমিতিক বৰ্খাস্ত কৰিলে বিচিচিআইয়ে
কেৰালাৰ ৰাজ্যিক স্বাস্থ্য, মহিলা আৰু শিশু কল্যাণ মন্ত্ৰী বীণা গাৰ্গে কয়, “এয়া এক নিন্দনীয় ঘটনা। অভিযুক্তৰ বিৰুদ্ধে কঠোৰ ব্যৱস্থা গ্ৰহণ কৰা হৈছে। মই যুৱতীগৰাকীৰ চিকিৎসাৰ বাবে প্ৰয়োজনীয় ব্যৱস্থা ল’বলৈ নিৰ্দেশ দিছো।”
