গোৱালপাৰা জিলাৰ কৃষ্ণাই আৰক্ষী থানাৰ অন্তৰ্গত নাঙল বজাৰত নিশা সংঘটিত এক ভয়ংকৰ অগ্নিকাণ্ডত চাৰিখন দোকান অগ্নিকাণ্ডত সম্পূৰ্ণ ৰূপে ধ্বংস হয়।
ভয়াৱহ এই অগ্নিকাণ্ডত ইনামূল ইছলামৰ ‘ ইনামূল গ্ৰীণ ইণ্ডাষ্ট্ৰী’, নূৰ আলীৰ ‘ছামনূৰ টায়াৰ’, মহিবুল ইছলামৰ ‘মেহজুবিন মোবাইল’ আৰু ওৱাজেদ আলীৰ এখন হোটেলো জ্বলি ভষ্মিভূত হয়।
এই অগ্নিকাণ্ডত কেইবা লক্ষাধিক টকাৰ সা-সামগ্ৰীকে ধৰি সম্পত্তি নষ্ট হোৱাৰ আশংকা প্ৰকাশ কৰিছে।
ইফালে অগ্নিকাণ্ড সংঘটিত হোৱাৰ প্ৰায় এঘন্টা পিছতহে অগ্নিনিৰ্বাপক বাহিনীৰ লোক ঘটনাস্থলত উপস্থিত হয়। কিন্তু তেতিয়ালৈ দোকান চাৰিখন সম্পূৰ্ণৰূপে ভষ্মিভূত হয়।
জানিব পৰা মতে হোটেলখনৰ পৰাই এই অগ্নিকাণ্ড সংঘটিত হৈছে।
স্থানীয় লোকে দীৰ্ঘদিনৰ পৰা কৃষ্ণাইত এটা অগ্নিনিৰ্বাপক বাহিনীৰ কেন্দ্ৰ স্থাপনৰ দাবী কৰি আহিছিল যদিও আজিলৈ এটা অগ্নিনিৰ্বাপক বাহিনীৰ কেন্দ্ৰ স্থাপন নকৰাক লৈ ক্ষোভ প্ৰকাশ কৰে।
