ডিব্ৰুগড় জিলাৰ চাবুৱা সম-জিলাৰ অন্তৰ্গত বালিজান অঞ্চলত ব্ৰহ্মপুত্ৰ নদীত শনিবাৰে সন্ধিয়া চাৰিজন যুৱক উটি যায়।
প্ৰাথমিক খবৰ অনুসৰি, শুকুৰবাৰে আবেলি প্ৰায় ৫ বজাত চাৰিজন যুৱকে গা ধুবলৈ নদীলৈ গৈছিল। প্ৰচণ্ড সোঁতে উটুৱাই লৈ যায় আৰু পানীত ডুব যায় বুলি জানিব পৰা গৈছে।
যুৱক কেইজনক চাবুৱা অঞ্চলৰ বাসিন্দা সত্যজিৎ ঘোষ, অভিজিত দেৱ, সুৰজিৎ দে আৰু বাবু ঘোষ বুলি জানিব পৰা গৈছে।
ঘটনাৰ পিছতে অনুসন্ধান আৰু উদ্ধাৰকাৰী দলে যুৱককেইজনৰ সন্ধান উলিয়াবলৈ অভিযান আৰম্ভ কৰে। উদ্ধাৰ প্ৰচেষ্টা সন্দৰ্ভত অধিক সবিশেষ জানিবলৈ অপেক্ষা কৰি থকা হৈছে।
স্থানীয় এজন বাসিন্দাই জানিবলৈ দিয়া মতে, কিংবদন্তি শিল্পী জুবিন গাৰ্গৰ প্ৰথম মৃত্যু বাৰ্ষিকী উপলক্ষে উদযাপনৰ অংশ হিচাপে স্থানীয় অঞ্চলটোৰ দোকান-পোহাৰ বন্ধ হৈ থকাত যুৱককেইজন বালিজান অঞ্চললৈ গৈছিল।
