ভাৰতৰ স্বাধীনতাৰ পয়সত্তৰ বছৰ সম্পূৰ্ণ হোৱা উপলক্ষ্যে দেশে পালন কৰিছে ‘আজাদী কা অমৃত মহোৎসৱ’।
কলিয়াবৰতো মহকুমা প্ৰশাসনৰ লগতে শিক্ষানুষ্ঠান তথা অনান্য সামাজিক-সাংস্কৃতিক অনুষ্ঠানে ‘আজাদী কা অমৃত মহোৎসৱ’ৰ লগত সংগতি ৰাখি নিৰ্দ্ধাৰিত বিভিন্ন কাৰ্য্যসূচী পালন কৰিছে। কলিয়াবৰৰ ঘৰে-ঘৰে উৰিছে জাতীয় পতাকা।
কলিয়াবৰত আজি কুঁৱৰীটোলস্থিত কলিয়াবৰ মুক্তি যুঁজাৰু ভৱনত অনুষ্ঠিত এক গাম্ভীৰ্য্যপূৰ্ণ অনুষ্ঠানত কলিয়াবৰৰ বিধায়ক তথা ৰাজ্যৰ মন্ত্ৰী কেশৱ মহন্তই কলিয়াবৰৰ স্বাধীনতা আন্দোলনৰ মুক্তি যুঁজাৰুৰ পৰিয়ালক সম্বৰ্দ্ধনা জনায়।
আজিৰ এই সম্বৰ্দ্ধনা সভাত উপস্থিত থাকে ৰাজ্যৰ নৱ-নিযুক্ত মুখ্য সচিব পৱন কুমাৰ বৰঠাকুৰ, নগাঁও জিলাৰ উপায়ুক্ত নৰেন্দ্ৰ কুমাৰ শ্বাহ, কলিয়াবৰ মহকুমাৰ ভাৰপ্ৰাপ্ত মহকুমাধিপতি পবিত্ৰ কুমাৰ দাস, মহকুমা আৰক্ষী বিষয়া মৃণ্ময় দাস, পূৰ্বাঞ্চল প্ৰহৰী কাকতৰ সম্পাদক, কলিয়াবৰ সাহিত্য সভাৰ সভাপতি প্ৰমুখ্যে কলিয়াবৰৰ বিশিষ্ট ব্যক্তিসকল উপস্থিত থাকে।
আজিৰ সভাত কলিয়াবৰৰ ১৯৭টা মুক্তি যুঁজাৰুৰ পৰিয়ালক সম্বৰ্দ্ধনা জনোৱা হয়।
