মৰিগাঁও জিলাৰ ভূৰাগাঁৱত আৰক্ষীয়ে চলোৱা এক অভিযানত জুৱাৰ ঘাটি উৎখাত কৰাৰ লগতে তিনিগৰাকী জুৱাৰী আটক কৰিবলৈ সক্ষম হয়।
উল্লেখ যোগ্য যে, দীৰ্ঘদিন ধৰি উক্ত অঞ্চলত তীৰ জুৱাৰ ৰমৰমীয়া বেহা চলি আছিল কিন্তু ভুৰাগাঁও আৰক্ষী থানাত নতুনকৈ যোগদান কৰা ভাৰপ্ৰাপ্ত আৰক্ষী বিষয়া মৃদুল হাজৰিকাই তীৰ আৰু জুৱাৰ বিৰুদ্ধে তীব্ৰ অভিযান আৰম্ভ কৰিছে।
ভূৰাগাঁও চাৰিআলিত তীৰৰ বিৰুদ্ধে অভিযান চলাই তীৰৰ ঘাটি উৎখাত কৰাৰ লগতে এজন বুকীক গ্ৰেপ্তাৰ কৰিবলৈ সক্ষম হয়।
নিশা ভাৰপ্ৰাপ্ত বিষয়া মৃদুল হাজৰিকাৰ নেতৃত্বত যোৱা আৰক্ষীৰ এটি দলে ভূৰাগাঁৱৰ বৰডোৱাত পথাৰত এক গোপন সূত্ৰৰপম খেদি চলোৱা অভিযানত জুৱাৰ ঘাটি উৎখাত কৰাৰ লগতে তিনিগৰাকী জুৱাৰীক আটক কৰে।
আটক কৰা জুৱাৰী তিনিগৰাকী হ’ল খাইৰুল ইছলাম ,মইদুল ইছলাম ,আৰু ছাহ আলাউদ্দিন আলী।
ভাৰপ্ৰাপ্ত আৰক্ষী বিষয়া জনৰ এনে পদক্ষেপক স্থানীয় ৰাইজে প্ৰশংসা কৰে।
