গুৱাহাটী বিশ্ববিদ্যালয়ৰ ৩১ সংখ্যক সমাৱৰ্তনখন অহা ১৫ মাৰ্চত অনুষ্ঠিত হ’ব। বিশ্ববিদ্যালয়খনৰ আচাৰ্য তথা ৰাজ্যপাল গুলাব চান্দ কাটাৰিয়াই সমাৱৰ্তনত সভাপতিত্ব কৰিব।
সমাৱৰ্তনৰ প্ৰতি লক্ষ্য ৰাখি বিশ্ববিদ্যালয়খনৰ কাৰ্যবাহী পৰিষদে গণিতক জনপ্ৰিয় কৰি তোলাত অনবদ্য অৱদান আগবঢ়োৱা প্ৰথিতযশা গণিতজ্ঞ অধ্যাপক তাৰকেশ্বৰ চৌধুৰীক ‘ডক্টৰ অব্ ছায়েঞ্চ’ সন্মানেৰে সন্মানিত কৰাৰ সিদ্ধান্ত লৈছে।
সেইদৰে অসমীয়া সংগীতক সুকীয়া মাত্ৰা প্ৰদান কৰা বিশিষ্ট সংগীত পৰিচালক ৰমেন চৌধুৰী আৰু অসমৰ প্ৰথম মহিলা মাউত পদ্মশ্ৰী পাৰ্বতী বৰুৱাক সন্মানীয় পি এইচ.ডি ডিগ্ৰী আগবঢ়োৱাৰ সিদ্ধান্ত লোৱা হৈছে।
উল্লেখ্য যে সমাৱৰ্তনত ডিগ্ৰী, ডিপ্ল’মা গ্ৰহণৰ বাবে ৫৪,৮৪৯ গৰাকী ছাত্ৰ-ছাত্ৰীয়ে অৰ্হতা অৰ্জন কৰিছে।
সমাৱৰ্তন অনুষ্ঠানত মুখ্যমন্ত্ৰী ড’ হিমন্তবিশ্ব শৰ্ম| মুখ্য অতিথি হিচাপে উপস্থিত থকাৰ সম্ভাৱনা আছে।
বিশ্ববিদ্যালয়খনৰ পঞ্জীয়ক ড’ হেমন্ত কুমাৰ নাথে আদৰণী ভাষণ প্রদান কৰিবলগীয়া সমাৱৰ্তনখনত উপাচাৰ্য অধ্যাপক প্রতাপজ্যোতি সন্দিকৈয়েও ভাষণ প্ৰদান কৰিব।
