গাজাত ইজৰাইলে চলাই থকা আক্ৰমণৰ বাবে দেশ খনত ভিষণ সমস্যাৰ সৃষ্টি হৈছে। এই সংঘাটৰ বাবে দেশ খন দেখা দিয়া খাদ্য সংকটৰ বাবে পুষ্টিহীনতাৰ বলি হৈছে। পুষ্টিহীনতাৰ বাবে প্ৰায় ৬৬টা শিশু মৃত্যু হোৱা বুলি জানিব পৰা গৈছে। অঞ্চলটোৰ মানৱীয় সংকট অধিক ভয়াৱহ হৈ পৰিছে। বাসিন্দাসকলে পৰ্যাপ্ত খাদ্য লাভৰ বাবে সংগ্ৰাম কৰিবলগীয়া হৈছে। বাতৰি অনুসৰি ইজৰাইলৰ অৱৰোধে পৰিস্থিতি অধিক বেয়া কৰি তুলিছে, যাৰ ফলত খাদ্য, ঔষধ আৰু অন্যান্য অত্যাৱশ্যকীয় সামগ্ৰীৰ তীব্ৰ নাটনি হৈছে, যাৰ ফলত গাজাৰ শিশুসকল ব্যাপক হাৰত পুষ্টিহীনতাত ভুগিছে।
শনিবাৰে গাজা চৰকাৰৰ জনসংযোগ বিভাগে পুষ্টিহীনতাৰ বাবে এই শিশুসকলৰ মৃত্যুৰ বিশদ বিৱৰণ দি এক বিবৃতি প্ৰকাশ কৰি ইজৰাইল আৰু ইয়াৰ মিত্ৰ দেশসমূহক সংকটৰ সৈতে জড়িত বুলি গৰিহণা দিয়ে। গাজাৰ বিষয়াসকলে অত্যাৱশ্যকীয় সামগ্ৰীৰ অৱৰোধক “যুদ্ধ অপৰাধ” বুলি অভিহিত কৰি কয় যে ইজৰাইলে ইচ্ছাকৃতভাৱে গাজাৰ অসামৰিক জনসাধাৰণৰ বিৰুদ্ধে অনাহাৰক কৌশল হিচাপে ব্যৱহাৰ কৰিছে।
ইয়াৰ উপৰিও গাজা প্ৰশাসনে খাদ্যৰ অভাৱৰ বাবে অনাহাৰে আৰু ৰোগত আক্ৰান্ত শিশুসকলৰ দুৰ্দশাৰ সন্দৰ্ভত আন্তঃৰাষ্ট্ৰীয় সম্প্ৰদায়ৰ “মৌনতা”ক লৈ গভীৰ উদ্বেগ প্ৰকাশ কৰে। বিষয়াসকলে যুক্তি আগবঢ়ায় যে ইজৰাইলৰ এই কাৰ্য্যৰ লক্ষ্য হৈছে গাজাত শৈশৱক নিৰ্মূল কৰা। তেওঁলোকৰ বিবৃতিত এই দুৰ্যোগৰ বাবে কেৱল ইজৰাইলেই নহয়, আমেৰিকা, যুক্তৰাজ্য, ফ্ৰান্স আৰু জাৰ্মানীকে ধৰি ইয়াৰ মিত্ৰ দেশসমূহো দায়ী বুলি উল্লেখ কৰে। ইজৰাইলৰ অৱৰোধ উঠাই লোৱা আৰু অত্যাৱশ্যকীয় সামগ্ৰীৰ প্ৰৱেশৰ সুবিধাৰ বাবে ৰাষ্ট্ৰসংঘৰ পৰা জৰুৰী হস্তক্ষেপৰ আহ্বান জনাইছে।
শেহতীয়াকৈ ৰাষ্ট্ৰসংঘৰ শিশু নিধি (ইউনিচেফে) গাজাৰ ভিতৰত পুষ্টিহীনতা আৰু দুৰ্ভিক্ষৰ ভয়াৱহ বৃদ্ধিৰ বিষয়ে সতৰ্কবাণী জাৰি কৰিছে। ইউনিচেফৰ প্ৰতিবেদন অনুসৰি কেৱল মে’ মাহত পুষ্টিহীনতাৰ বাবে কমেও ৫,১১৯টা শিশু চিকিৎসালয়ত ভৰ্তি হৈছিল, আক্ৰান্ত ব্যক্তিসকলৰ বয়স ছমাহৰ পৰা পাঁচ বছৰলৈকে। ইয়াৰ পৰা পোহৰলৈ অহিছে যে এপ্ৰিল মাহৰ তুলনাত মে’ মাহত শিশুৰ পুষ্টিহীনতাৰ হাৰ ৫০% বৃদ্ধি পাইছে। ইজৰাইলৰ সেনাই মাৰ্চ মাহৰ পৰা গাজাত অৱৰোধ বলবৎ কৰি খাদ্য আৰু সাহায্য সামগ্ৰী কঢ়িয়াই অনা ট্ৰাক প্ৰৱেশত বাধা প্ৰদান কৰাৰ ফলত এই খাদ্য সংকটৰ ভয়াৱহ সংকটৰ সৃষ্টি হৈছে। যদিও আন্তঃৰাষ্ট্ৰীয় হেঁচাত অৱৰোধ কিছু পৰিমাণে লাঘৱ কৰা হৈছে, যাৰ ফলত সীমিত সংখ্যক ট্ৰাকে গাজালৈ সামগ্ৰী যোগান ধৰিব পাৰে, তথাপিও ইয়াৰ ফলত চলি থকা খাদ্য সংকটৰ পৰ্যাপ্ত সমাধান হোৱা নাই। প্ৰকাশিত তথ্য অনুসৰি গাজালৈ যোৱা সাহায্য সামগ্ৰী অপৰ্যাপ্ত। ইয়াৰ উপৰিও ইতিমধ্যে দুৰ্বল জনসংখ্যাক লক্ষ্য কৰি ইজৰাইলৰ সামৰিক ব্যৱস্থা অব্যাহত আছে। অভিযোগ উত্থাপন হৈছে যে ইজৰাইলে সাহায্য শিবিৰৰ আৱৰণত “মৃত্যুৰ ফান্দ” স্থাপন কৰিছে, যেনে মূলতঃ আমেৰিকাৰ পুঁজিৰে কাম কৰা গাজা মানৱীয় ফাউণ্ডেশ্যন (জি এইচ এফ)ৰ দ্বাৰা পৰিচালিত। সংস্কাৰৰ অজুহাতত এই শিবিৰসমূহ বন্ধ হৈ আছে আৰু ইজৰাইলী সেনাই সতৰ্কবাণী জাৰি কৰিছে যে এই শিবিৰসমূহৰ কাষ চাপিলে গুৰুতৰ পৰিণতি হ’ব পাৰে। ফলত গাজাৰ বহু লোকে নিৰাপত্তাৰ বাবে এই পথটো এৰাই চলিছে।
