সমগ্ৰ বিশ্বজুৰি ক’ৰ’না ভাইৰাছে আতংকময় পৰিস্থিতিৰ সৃষ্টি কৰিছে।
বিগত বৰ্ষৰ ডিচেম্বৰ মাহত চীনত আৰম্ভ হোৱা ক’ৰ’না ভাইৰাছে সমগ্ৰ বিশ্বত সংক্ৰমিত কৰা লোকৰ সংখ্যাই ২ এপ্ৰিলত ১,০০০,০০০ অতিক্ৰম কৰিছে।
ইউৰোপত সংক্ৰমিত হোৱা লোকৰ সংখ্যাই ৫০০,০০০ অতিক্ৰম কৰাৰ লগতে বিশ্বত মুঠ ৫১,৪৮৫ লোকে ক’ৰ’না ভাইৰাছৰ ফলত মৃত্যু মুখত পৰিছে।
বৃহস্পতিবাৰে স্পেইনত ৯৫০ গৰাকী লোকৰ মৃত্যু হোৱাৰ ফলত দেশখনত মৃত্যু হোৱাৰ লোকৰ সংখ্য ১০,০০৩ গৰাকীলৈ বৃদ্ধি পায়।
আনহাতে, ভাৰততো বৰ্তমানলৈ ক’ৰ’নাত আক্ৰান্ত লোকৰ সংখ্যাই ২৫০০-ৰ সংখ্যা অতিক্ৰম কৰে লগতে মৃত্যু হোৱা লোকৰ সংখ্যা ৭২ গৰাকীলৈ বৃদ্ধি পায়।
ভাৰতত ইছলাম ধৰ্মীয় কিছু লোকে দিল্লীৰ নিজামুদ্দিনৰ মাৰ্কাজৰ তাবলিঘি জামাতত অংশলোৱাৰ পাছতে দেশত ক’ৰ’নাত আক্ৰান্ত হোৱা লোকৰ সংখ্যা ভয়াবহভাৱে বৃদ্ধি হোৱা পৰিলক্ষিত হৈছে।
দেশৰ গৃহ মন্ত্ৰ্যালয়ৰ তৰফৰ পৰা বৃহস্পতিবাৰে নিজামুদ্দিনৰ মাৰ্কাজৰ জামাতৰ লগত সম্পৰ্ক থকা মুঠ ৯,০০০ গৰাকী লোকক কোৱাৰিণ্টাইনৰ ব্যৱস্থা কৰিছে বুলি উল্লেখ কৰে।
তদুপৰি, বৃহস্পতিবাৰে প্ৰধান মন্ত্ৰী নৰেন্দ্ৰ মোদীয়ে দেশৰ মুখ্য মন্ত্ৰী সকলৰ সৈতে হোৱা অনলাইন বৈঠকত টেষ্টিং, আইছ’লেশ্যন আৰু কোৱাৰিণ্টাইনক গুৰুত্ব অৰ্পন কৰিবলগীয়া বিষয় হিচাপে অভিহিত কৰে।
