বোকাখাতত দুদিনীয়াকৈ অনুষ্ঠিত গোলাঘাট জিলা চুতীয়া ছাত্ৰ সন্থাৰ দ্বি বার্ষিক অধিবেশনৰ আজি সামৰণি পৰে। উক্ত অধিবেশনত পৰৱৰ্তী দুবছৰীয়া কাৰ্যকালৰ বাবে বৰ্তমানৰ ভাৰপ্ৰাপ্ত সভাপতি পাপু শইকীয়াক সভাপতি আৰু কুলেশ বৰাক সম্পাদক হিচাপে লৈ জিলা সমিতি গঠন কৰা হয়।
ইফালে বৰ্ণাঢ্য সাংস্কৃতিক শােভাযাত্রাৰে আজি পুৱা দ্বিতীয় দিনৰ কাৰ্যসূচী আৰম্ভ হয়। সাংস্কৃতিক শোভাযাত্ৰা উদ্ধোধন কৰে জনপ্ৰিয় অভিনেতা অৰুণ হাজৰিকা আৰু অভিনেত্ৰী অনন্যা কাশ্যপে। দুপৰীয়ালৈ বঁটা বিতৰণী আৰু সম্বর্ধনা অনুষ্ঠান অনুষ্ঠিত হয়। সভাখন উদ্বোধন কৰে সদৌ অসম চুতীয়া ছাত্ৰ সন্থাৰ উপদেষ্টা বিপুল চুতীয়াই।
চুতীয়া ছাত্ৰ সন্থাৰ সাধাৰণ সম্পাদক মহেন বৰা মুখ্য অতিথি হিচাপে উপস্থিত থকা এই অুনষ্ঠানত চুতীয়া জাতি আৰু সমাজৰ বিভিন্ন ক্ষেত্ৰলৈ সেৱা আগবঢ়োৱা কেইবাগৰাকী ব্যক্তিক সম্বৰ্ধনা জনোৱা হয়।
সন্ধিয়ালৈ অনুষ্ঠিত মুকলি সভা উদ্বোধন কৰে সদৌ অসম চুতীয়া ছাত্ৰ সন্থাৰ মুখ্য উপদেষ্টা মধুমাধৱ শইকীয়াই। অনুষ্ঠানত অধিৱেশনৰ লগত সংগতি ৰাখি প্ৰকাশিত দেওপাহাৰ নামৰ এখন স্মৃতিগ্রন্থ উন্মােচন কৰা হয়। মুকলি সভাত মুখ্য অতিথি হিচাপে উপস্থিত থাকে সদৌ অসম চুতীয়া ছাত্র সন্থাৰ সভাপতি ক্ষীৰোদ শইকীয়াৰ লগতে বিভিন্ন জাতি জনগােষ্ঠীয় সংগঠনৰ নেতৃবৃন্দ। সন্ধ্যালৈ হোৱা সাংস্কৃতিক সন্ধ্যাত জনপ্রিয় কণ্ঠশিল্পী প্রিয়ংকা ভৰালী আৰু বিপিন চাউদাঙে গীত পৰিৱেশন কৰে।
