আমেৰিকাৰ ৰাষ্ট্ৰপতি ড’নাল্ড ট্ৰাম্পে দেশৰ বায়ু প্ৰতিৰক্ষা ব্যৱস্থাক শক্তিশালী কৰিবলৈ ‘গোল্ডেন ড’ম’ নামৰ এক বিশাল ক্ষেপণাস্ত্ৰ প্ৰতিৰক্ষা ব্যৱস্থাৰ ঘোষণা কৰিছে। এই প্ৰকল্পৰ ব্যয় প্ৰায় ১৭৫ বিলিয়ন ডলাৰ, যাৰ বাবে ইতিমধ্যে ২৫ বিলিয়ন ডলাৰ আবণ্টনৰ প্ৰস্তাৱ দিয়া হৈছে। তিনি বছৰৰো কম সময় ভিতৰত এই ব্যৱস্থাৰ নিৰ্মাণ সম্পূৰ্ণ হ’ব বুলি ট্ৰাম্প প্ৰশাসনে আশা প্ৰকাশ কৰিছে। তেওঁ জনসাধাৰণক আশ্বাস দিছে যে এই ব্যৱস্থাই পৃথিৱীৰ যিকোনো স্থানৰ পৰা আনকি মহাকাশৰ পৰা নিক্ষেপ কৰা ক্ষেপণাস্ত্ৰ ধ্বংস কৰিবলৈ সক্ষম হ’ব। ভাৰতৰ ‘আকাশ’ আৰু ইজৰাইলৰ ‘আইৰন ড’ম’ৰ তুলনাত এই প্ৰকল্পৰ ব্যয় বহু বেছি।
‘গোল্ডেন ড’ম’ৰ প্ৰেৰণা সম্ভৱতঃ ভাৰতৰ ‘আকাশ’ বায়ু প্ৰতিৰক্ষা ব্যৱস্থাৰ পৰা আহিছে বহুজনে বুলি খুজে। যিয়ে পাকিস্তানৰ আক্ৰমণ, তুৰ্কীৰ ড্ৰোন, আৰু চীনৰ ক্ষেপণাস্ত্ৰৰ বিৰুদ্ধে কাৰ্যকৰীভাৱে সুৰক্ষা প্ৰদান কৰিছিল। একেদৰে ইজৰাইলৰ ‘আইৰন ড’ম’ও বিশ্বব্যাপী প্ৰশংসিত, কিন্তু ভাৰতৰ এই কৃতিত্বই আমেৰিকাক নিজৰ প্ৰতিৰক্ষা ব্যৱস্থা উন্নত কৰাৰ প্ৰেৰণা যোগাইছে বুলি ক’ব পাৰি। ট্ৰাম্পে ক্ষমতালৈ অহাৰ পৰাই উচ্চমানৰ ক্ষেপণাস্ত্ৰ প্ৰতিৰক্ষা ব্যৱস্থা গঢ়াৰ প্ৰতিশ্ৰুতি দিছিল, আৰু তেওঁৰ মতে এই কাম ইতিমধ্যে আৰম্ভ হৈছে।
প্ৰকাশিত তথ্য অনুসৰি ‘গোল্ডেন ড’ম’ৰ মূল উদ্দেশ্য হৈছে উপগ্ৰহ ভিত্তিক নেটৱৰ্কৰ জৰিয়তে ক্ষেপণাস্ত্ৰ ধৰা পেলোৱা আৰু অনুসৰণ কৰা। এই ব্যৱস্থাত বৃহৎ সংখ্যক উপগ্ৰহৰ ব্যৱহাৰ কৰা হ’ব, যি সম্পূৰ্ণৰূপে আমেৰিকাত নিৰ্মিত হ’ব। এই প্ৰকল্পই আমেৰিকাৰ সুৰক্ষাক নতুন উচ্চতালৈ লৈ যাব বুলি ট্ৰাম্প প্ৰশাসনৰ বিশ্বাস। তেওঁৰ মতে, এই ব্যৱস্থাই বেলিষ্টিক আৰু হাইপাৰছনিক ক্ষেপণাস্ত্ৰৰ বিৰুদ্ধে কাৰ্যকৰী সুৰক্ষা প্ৰদান কৰিব। এই প্ৰকল্পৰ বিশাল ব্যয়ৰ তুলনাত ভাৰতৰ ‘আকাশ’ আৰু ইজৰাইলৰ ‘আইৰন ড’ম’ৰ ব্যয় যথেষ্ট কম, কিন্তু ‘গোল্ডেন ড’ম’ৰ উচ্চাকাংক্ষী পৰিকল্পনাই আমেৰিকাৰ প্ৰতিৰক্ষাৰ ক্ষেত্ৰত এক নতুন যুগৰ সূচনা কৰিব বুলি আশা প্ৰাকাশ কৰিছে।
