কিছুদিন পূৰ্বে এয়াৰেটলৰ অধ্যক্ষ সুনীল মিট্টালে এয়াৰটেলৰ ডাটা প্লেনসমূহৰ মূল্য বৃদ্ধি কৰা হ’ব বুলি ইয়াৰ গ্ৰাহকসকলক জনাইছিল।
মিট্টালে এক ইঙ্গিত প্ৰদান কৰি কৈছিল যে এয়াৰটেলৰ প্ৰতি ১ জিবি ডাটাৰ বাবে গ্ৰাহকসকলে ১০০ টকা ভৰিবলৈ সাজু থাকিব লাগিব।
কিন্তু সেই ইঙ্গিতৰ মাজতে এয়াৰটেলে ইয়াৰ গ্ৰাহকসকলৰ বাবে কিছু স্বস্তি প্ৰদান কৰি ফ্ৰী ডাটা কুপন আগবঢ়াইছে।
টেলিকম সেৱাৰ প্ৰতিষ্ঠানটোৱে এক নতুন ঘোষণা কৰি জনাইছে যে এয়াৰটেলৰ ডাটা ইউজাৰসকলে তিনিটা প্লেন ৰিচাৰ্জ কৰিলে ডাটা ফ্ৰীৰ কুপন লাভ কৰিব।
প্ৰতিষ্ঠানটোৱে জনোৱা অনুসৰি ২৮৯ টকা, ৪৪৮ টকা আৰু ৫৯৯ টকা মূল্যৰ প্ৰিপেইড প্লেন কেইটা এয়াৰটেল থেংকছ এপছৰ দ্বাৰা ৰিচাৰ্জ কৰিলে এই ফ্ৰী ডাটাৰ কুপন লাভ কৰিবলৈ সক্ষম হ’ব।
উক্ত থেংকছ এপছৰ দ্বাৰা উপৰোক্ত প্ৰিপেইড প্লেন কেইটাৰ যিকোনো এটা ৰিচাৰ্জ কৰাৰ পিছত গ্ৰাহকে ফ্ৰীকৈ লাভ কৰা সুবিধাসমূহ এছ এম এছ দ্বাৰা গ্ৰাহকজনক জানোৱা হ’ব।
২৮৯ টকাৰ প্ৰিপেইড প্লেনত ইউজাৰে প্ৰতিদিনে ডেৰ জিবিকৈ ডাটা লাভ কৰাৰ লগতে আনলিমিটেড কল আৰু ১০০ এছ এম এছৰ সুবিধা লাভ কৰিব। ইয়াৰ লগতে ইউজাৰে XStrem চাৰ্ভিছ, ফ্ৰী হেল্ল’টিউন আৰু Zee5 প্ৰিমিয়ামৰ চাবস্ক্ৰীপশ্যনো পাব। ইয়াৰ বাবে ১ জিবি কৈ দুখন কুপন লাভ কৰিব ইউজাৰে। প্লেনটোৰ ম্যাদ ২৮ দিন।
৪৪৮ টকা প্ৰিপেইড ৰিচাৰ্জ কৰিলে গ্ৰাহকে Disney+HotStarৰ VIP চাবস্ক্ৰীপশ্যন লাভ কৰিব। ইয়াৰ লগতে দৈনিক ৩ জিবিকৈ ডাটা, আনলিমিটেড কল আৰু ১০০ টা এছ এম এছৰ সুবিধা লাভ কৰিব গ্ৰাহকে। XStrem চাৰ্ভিছ আৰু হেল্ল’টিউন ফ্ৰী পাব লগীয়া এই প্লেনৰ ম্যাদ ২৮ দিন। এই প্লেনটো ১ জিবিকৈ দুটা কুপন লাভ কৰিব গ্ৰাহকে।
৫৯৯ টকাৰ প্লেনত ৪৪৮ টকাৰ প্লেনত পোৱা আটাইবোৰ সুবিধা লাভ কৰিব গ্ৰাহকে। অৱশ্যে এই ২৮ দিনীয়া ম্যাদৰ প্লেনটোত ১ জিবিকৈ গ্ৰাহকে ৪ টা কুপন লাভ কৰিব আৰু ইয়াৰ ম্যাদ হ’ব ৫৬ দিন।
ইয়াৰ উপৰি ২৪৯, ২৭৯, ২৯৮, ৩৪৯, ৩৮৯, ৩৯৯, ৪৪৯, ৫৫৮, ৫৯৮ আৰু ৬৯৮ টকাৰ প্লেনবোৰতো গ্ৰাহকে ফ্ৰী কুপন ব্যৱহাৰ কৰাৰ সুবিধা উপভোগ কৰিব পাৰিব।