Tik Tok ক প্ৰত্যাহ্বান জনাই Googleয়ে মুকলি কৰিলে Tangi এপ

Googleয়ে এটা নতুন ছচিয়েল ভিডেঅ’ শ্বেয়াৰিং এপ Tangi মুকলি কৰিছে। এইটো এটা পৰীক্ষামূলক এপ যিটো Google Area 120 ৰ জৰিয়তে প্ৰস্তুত কৰা হৈছে।

দৰাচলতে এইটো মোবাইল আৰু ৱেব দুয়োটা প্লেটফৰ্মতে কাম কৰিব।

Tik Tok ৰ জনপ্ৰিয়তাৰ প্ৰতি লক্ষ্য ৰাখি ফেইচবুকৰ পাছত এইবাৰ গুগলেও এনেধৰণৰ এপ লৈ আহিলে।

পিচে, এই এপটো টিকটকৰ দৰে কেবল মনোৰঞ্জনৰ ওপৰতে গুৰুত্ব দিয়া ধৰণৰ নহয়।

Google ৰ Tangi ৰ জৰিয়তে ৬০ ছেকেণ্ডৰ ভিডিঅ’ ৰেকৰ্ড কৰিব পৰা যাব। টিকটিকতকৈ এইটো কেইবাটাও দিশত সুকীয়া।

য়ুজাৰে ইয়াত ৬০ ছেকেণ্ডৰ কোনো ভিডিঅ’ কোনো এটা বিষয়ক লৈ নিৰ্মাণ কৰিব পাৰে। ইয়াত ৰন্ধন, কলা-শিল্প, মেকআপ আৰু সাজ-সজ্জা আদি অন্তৰ্ভুক্ত থাকিব।

Tangi ৰ ৱেবছাইটত গ’লে আপুনি সকলো বিতং জানিব পাৰিব। সকলোৰে ওপৰত ইয়াত কেটেগৰী দিয়া হৈছে য’ত আপুনি নিৰ্বাচন কৰিব পাৰিব।

ইয়াত ৬০ ছেকেণ্ড পৰ্যন্ত টিউটৰিয়েল ভিডিঅ’ পাব। আপুনি নিজেও এনেধৰণৰ ভিডিঅ’ নিৰ্মাণ কৰি অপলোড কৰিব পাৰিব।

যদিও এই এপটো গুগল, কিন্তু ইয়াক প্ৰথমতে এপ’ল এপ ষ্ট’ৰৰ বাবে মুকলি কৰি দিয়া হৈছে। এতিয়াও ইয়াক গুগল প্লে’ ষ্ট’ৰত দেখা যোৱা নাই।

বৰ্তমান Tangi এপ পৰীক্ষামূলকভাৱে মুকলি কৰা হৈছে। ইয়াৰ মাজতে Tik Tok ৰ দৰে এটা  Byte এপ মুকলি কৰা হৈছে।

এই এপটো জনপ্ৰিয় Vine প্লেটফৰ্মৰ সহ-প্ৰতিষ্ঠাপকে নিৰ্মাণ কৰিছে। অৱশ্যে, এই Byte এপ এতিয়াও ভাৰতত মুকলি হোৱা নাই।