নীতি উলংঘনৰ অভিযোগত গুগল প্লে ষ্টোৰৰ পৰা আতঁৰিল Paytm এপ

ডিজিটেল লেনদেনৰ ক্ষেত্ৰত গুৰুত্বপূৰ্ণ ভূমিকা পালন কৰি অহা Paytm  এপ গুগলে অৱশেষত ইয়াৰ প্লে ষ্টোৰৰ পৰা আঁতৰালে।

সেয়ে এতিয়াৰে পৰা এণ্ড্ৰইড ব্যৱহাৰকাৰীসকলে Paytm  এপ ব্যৱহাৰ কৰি ধনৰ লেন-দেন কৰিব নোৱাৰিব।

প্ৰতিমাহে প্ৰায় ৫০ নিযুত গ্ৰাহকে দনৰ লেন-দেনৰ বাবে ব্যৱহাৰ কৰা Paytm  এপৰ সহায়ত এটা চক্ৰই ধনৰ অবৈধ লেন-দেন সম্পন্ন কৰি থকাৰ প্ৰমাণ পোৱাৰ পিছতে এপটো গুগল প্লে ষ্টোৰৰ পৰা আঁতৰাই পেলোৱা হয়।

উল্লেখ্য Paytm এপৰ জৰিয়তে অবৈধ ভাবে সৰবৰাহ কৰা ৪৭ কোটি টকা কালি এনফোৰ্চমেণ্ট সঞ্চালকালয়ে বিভিন্ন বেংকৰ একাউণ্টৰ পৰা জব্দ কৰিবলৈ সক্ষম হৈছিল।

ইয়াৰ পূৰ্বেও Paytm  এপ ব্যহাৰ কৰি দুষ্ট চক্ৰই ব্যাপক হাৰত ধনৰ অবৈধ লেন-দেন কৰাৰ তথ্য এনফোৰ্চমেণ্ট বিভাগে ধৰা পেলাইছিল।

এই ঘটনাৰ সৈতে চীনৰ দুজন আৰু ভাৰতৰ এজন লোক জৰিত থকাৰ প্ৰমাণো পোৱা গৈছিল।

ইয়াৰ পিছতে এপটো গুগল প্লে ষ্টোৰৰ পৰা আঁতৰাই পেলোৱাৰ বাবে গুগলে পদক্ষেপ গ্ৰহণ কৰে।

অৱশ্যে মূল এপটো আঁতৰালেও wealth management app, Paytm money; merchant app, Paytm Business; movie ticketing application, Paytm Insider  আদি পেটিএমৰ অধীনষ্ঠ আন এপ সমূহ সক্ৰিয় হৈ থাকিব বুলি জানিব পৰা গৈছে।

Paytm  এপৰ মাধ্যমেৰে বহুতে জুৱা খেলি থকাৰো তথ্য পোহৰলৈ আহিছে।

চীনৰ এটা চক্ৰয়ো কিছুসংখ্যক ভাৰতীয় লোকক ব্যৱহাৰ কৰি এই এফৰ জৰিয়তে ধনৰ অবৈধ লেন-দেন কৰি থকাৰ সন্দেহ কৰা হৈছে।

Paytm –এ টুইটাৰত প্ৰকাশ কৰিছে যে এপটো শীঘ্ৰে পুনৰ কাৰ্যক্ষম হৈ উঠিব ।