সুৰক্ষা বিষয়ক কেবিনেট সমিতিয়ে চীফ অফ ডিফেন্স ষ্টাফ পদৰ সৃষ্টিৰ বাবে অনুমোদন জনাইছে।
সুৰক্ষা বিষয়ক কেবিনেট সমিতিয়ে চীফ অফ ডিফেন্স ষ্টাফ (চী ডি এছ)ৰ দায়িত্ব নিৰ্দ্ধাৰণ কৰিবলগীয়া ৰাষ্ট্ৰীয় সুৰক্ষা উপদেষ্টা অজিত ডোভালৰ নেতৃত্বৰ সমিতিৰ প্ৰতিবেদনক অনুমোদন জনায়।
কেন্দ্ৰীয় চৰকাৰে আজি দেশৰ প্ৰথম চীফ অফ ডিফেন্স ষ্টাফ আৰু তেওঁৰ পালন কৰিবলগীয়া দায়িত্ব সম্পৰ্কেও ঘোষণা কৰিব পাৰে।
কেবিনেট বৈঠকৰ পাছত কেন্দ্ৰীয় মন্ত্ৰী প্ৰকাশ জাবেদকাৰে এই বিষয়ে জানিবলৈ দি কয় যে চৰকাৰে চীফ অফ ডিফেন্স ষ্টাফৰ নিযুক্তিত অনুমোদন দিয়ে। এই পদত নিযুক্ত হ’বলগীয়া বিষয়াগৰাকীক চাৰি তাৰকাযুক্ত জেনেৰেলৰ (ফ’ৰ ষ্টাৰ জেনেৰেল) মৰ্যাদা দিয়া হ’ব।
In a historic decision for ushering in reforms in the higher defence management in the country, the Government has decided to create a post of Chief of Defence Staff and to create a Department of Military Affairs, within the Ministry of Defence (MoD).
— Rajnath Singh (@rajnathsingh) December 24, 2019
ইপিনে, প্ৰতিৰক্ষা মন্ত্ৰী ৰাজনাথ সিঙে কয় যে উন্নত সুৰক্ষা ব্যৱস্থাৰ ক্ষেত্ৰত ই এক ঐতিহাসিক সিদ্ধান্ত। চৰকাৰে চীফ অফ ডিফেন্স ষ্টাফ পদ আৰু প্ৰতিৰক্ষা মন্ত্ৰালয়ৰ ভিতৰত মিলিটাৰী এফেয়াৰ্ছ ডিপাৰ্টমেন্টৰ সৃষ্টি কৰিবলৈ সিদ্ধান্ত গ্ৰহণ কৰিছে।
উল্লেখযোগ্য যে কাৰ্গিল যুদ্ধৰ সময়ত বায়ুসেনা আৰু স্থলসেনাৰ মাজত সমন্বয়ৰ অভাৱ দেখা গৈছিল। ইয়াৰ পাছতে ভাৰতীয় সামৰিক ৰণ কৌশলবিদসকলে চৰকাৰক পুনৰ চীফ অফ ডিফেন্স ষ্টাফ গঠনৰ পৰামৰ্শ দিয়ে।
ভাৰত চৰকাৰে তিনিগৰাকী সেনা মুৰব্বীৰ বিতৰত আটাইতকৈ জ্যেষ্ঠ জেনেৰেলগৰাকীক চীফ অফ ডিফেন্স ষ্টাফৰ অনুমোদন দিছে।
