পান কাৰ্ড, আধাৰ কাৰ্ড, ড্ৰাইভিং লাইচেন্স আদি একো নথিৰেই হয়তো বাস্তৱিক অস্তিত্ব নোহোৱা হৈ পৰিব।
ইয়াৰ সলনি মাত্ৰ এটা আইডি নম্বৰতেই ওলাই পৰিব সকলো তথ্য । আপাততঃ তেনে ব্যৱস্থা এটা কৰাৰ বাবেই মন মেলিছে কেন্দ্ৰীয় চৰকাৰে।
চৰকাৰে প্ৰয়োজনীয় নথি সমূহক একেলগ কৰি মাত্ৰ এটা ডিজিটেল আইডি প্ৰদানৰ কথা চিন্তা কৰিছে।
সেইমৰ্মে ইলেক্ট্ৰনিক্স আৰু তথ্য প্ৰযুক্তি মন্ত্ৰালয়ে এটা “ফেডাৰেটেড ডিজিটেল আই ডি ” প্ৰস্তুতৰ বাবে অগ্ৰসৰ হোৱা বুলিও জানিব পৰা গৈছে।
এই আইডিত একেলগে ড্ৰাইভিং লাইচেঞ্চ, পাছপোৰ্ট , পান কাৰ্ড আদি অন্তৰ্ভূক্ত কৰা হ’ব। ফলত সুকীয়া সুকীয়াক তেনে নথি সমূহ কঢ়িয়াই লৈ নুফুৰিলেও হ’ব।
এই নতুন ডিজিটেল আইডিটো আধাৰ কাৰ্ড বা পান কাৰ্ডৰ নম্বৰৰ দৰে দেখাত একে হ’ব । মাত্ৰ এটা নম্বৰৰ জৰিয়তেই বহু কেইবিধ নথিৰ তথ্য পোৱা যাব।
২৭ ফেব্ৰুৱাৰীৰ ভিতৰত ইলেক্ট্ৰনিক্স আৰু তথ্য প্ৰযুক্তি মন্ত্ৰালয়ে এই বিষয়ত জনতাৰ মতামত বিচাৰিব বুলি জানিব পৰা গৈছে।
