উত্তৰ-পূৰ্বাঞ্চলৰ সৰ্ববৃহৎ ফেশ্বন আৰু পেজেণ্ট ইভেণ্ট সংগঠক মেগা এণ্টাৰটেইনমেণ্টে আজি গুৱাহাটীৰ ছোহম এম্পোৰিঅ’ত অনুষ্ঠিত এখন সংবাদমেলত চানচিল্ক মেগা মিছ নৰ্থ ইষ্টৰ ১৮ সংখ্যক সংস্কৰণৰ গ্ৰেণ্ড ফিনালেৰ তাৰিখ ঘোষণা কৰে।
সংবাদমেলখনত ফেশ্বন উদ্যোগী তথা মেগা এণ্টাৰটেইনমেণ্টৰ প্ৰতিষ্ঠাপক অভিজিত সিংহ,মেগা মিছ নৰ্থইষ্ট ২০১৮ জ্যোতিস্মিতা বৰুৱা আৰু মেগা এণ্টাৰটেইনমেণ্টৰ অফিচিয়েল ডিজাইনাৰ দীপিকা দেৱীয়ে ভাষ্য প্ৰদান কৰে।
১৮তম চানচিল্ক মেগা মিছ নৰ্থ ইষ্টৰ গ্ৰেণ্ড ফিনালে ২৯ ডিচেম্বৰত সন্ধিয়া ৫ বজাৰ পৰা মাছখোৱাস্থিত আইটিএ সাংস্কৃতিক প্ৰকল্পত অনুষ্ঠিত হ’ব।
এই প্ৰতিযোগিতাখনক সমৰ্থন কৰিছে শীৰ্ষ পৃষ্ঠপোষক চানচিল্ক “ড্ৰীম অন, শ্বাইন অন, উইথ চানচিল্ক থিক এণ্ড লং”, আইটেক্স ডেজলাৰ, হস্পিটালিটি পাৰ্টনাৰ ৰেডিচন ব্লু, শ্বপিং পাৰ্টনাৰ ছোহম আৰু জুৱেলাৰী পাৰ্টনাৰ এল গোপাল জুৱেলাৰ্ছে (জগমোহন চোনিৰ এটা গোট -খ্ৰীষ্টান বস্তি আৰু কালাপাহাৰত অৱস্থিত)।
চানচিল্ক মেগা মিছ নৰ্থ ইষ্টৰ ১৮ তম সংস্কৰণ ঘোষণা কৰি অভিজিত সিংহই কয়, “উত্তৰ-পূবৰ আটাইতকৈ প্ৰতীক্ষিত সৌন্দৰ্য প্ৰতিযোগিতাখন ওভতাই আনিবলৈ পাই আমি খুবেই আনন্দিত।
এই বছৰ চানচিল্ক মেগা মিছ নৰ্থ ইষ্টৰ আটাইতকৈ অনন্য দিশটো হ’ল যে প্ৰতিযোগিতাখনত কেৱল এগৰাকী নহয়, তিনিগৰাকী বিজয়ী থাকিব।
এইবাৰ কোনো ৰানাৰ্ছ-আপ নহ’ব আৰু তিনিওগৰাকী শীৰ্ষ প্ৰতিযোগীক একেটা পুৰস্কাৰ পেকেজৰ সৈতে সমান মৰ্যাদাৰে মুকুট পিন্ধোৱা হ’ব। মেগা এণ্টাৰটেইনমেণ্টৰ লক্ষ্য হৈছে প্ৰতিগৰাকী যুৱতীক যুৱ প্ৰতিনিধি হিচাপে উত্তৰ-পূৰ্বাঞ্চলত ইতিবাচক পৰিৱৰ্তনৰ শক্তি হোৱাৰ সমান সুযোগ প্ৰদান কৰা। সেয়েহে, এইটো আমাৰ এক পদক্ষেপ, আমাৰ বিজয়ীসকলৰ বাবে আগবাঢ়ি যোৱাৰ বাবে এনে ধৰণৰ অধিক সুযোগ মুকলি কৰাৰ।”
লক্ষ্যণীয়ভাৱে, মেগা এণ্টাৰটেইনমেণ্টে এই বছৰ প্ৰতিযোগীসকলৰ বাবে নিম্নতম উচ্চতাৰ চৰ্তও প্ৰত্যাহাৰ কৰিছে, যাতে প্ৰতিগৰাকী প্ৰতিভাৱান আৰু আত্মবিশ্বাসী মহিলাই প্ৰতিযোগিতাৰ পৃথিৱীত সুনাম অৰ্জন কৰাৰ সুযোগ পায়। ৰাষ্ট্ৰীয় আৰু আন্তঃৰাষ্ট্ৰীয় প্ৰতিযোগিতা বৰ্তনীত স্থান পোৱাৰ ক্ষেত্ৰত অঞ্চলটোৰ বহুতো প্ৰতিভাশালী মহিলাৰ বাবে উচ্চতা আটাইতকৈ ডাঙৰ বাধা হৈ পৰে।
চানচিল্ক মেগা মিছ নৰ্থ ইষ্টৰ তিনিগৰাকী বিজয়ীক সমান মৰ্যাদাৰে মুকুট পিন্ধোৱা হ’ব, আৰু প্ৰতিগৰাকীক ১লাখ টকাৰ পুৰস্কাৰ পেকেজ প্ৰদান কৰা হ’ব। ইয়াৰ উপৰিও, তেওঁলোকে প্ৰশান্ত ব্ৰহ্মৰ ফটোগ্ৰাফীৰ দ্বাৰা পেছাদাৰী ফটোশ্বুট, ভ্ৰমণৰ সুযোগ, পেছাদাৰী প্ৰতিনিধিত্ব আৰু সমগ্ৰ উত্তৰ-পূবৰ বিভিন্ন সামাজিক-সাংস্কৃতিক কাৰ্যকলাপত অংশগ্ৰহণ কৰাৰ সুযোগৰ পাব। অনুষ্ঠানটো মেগা এণ্টাৰটেইনমেণ্টৰ দ্বাৰা প্ৰযোজনা কৰা হৈছে আৰু মেগা এক্টিভেচনৰ দ্বাৰা বিপণন কৰা হৈছে।
মুখ্য বিজয়ীসকলৰ উপৰিও, প্ৰতিযোগীসকলে প্ৰতিদ্বন্দ্বিতা কৰিব লগা উপ-শীৰ্ষকৰ এটা শৃংখলাও থাকিব। সেইবোৰ হৈছে ছোহম মিছ ট্ৰেণ্ডি, ৰেডিচন ব্লু মিছ হস্পিটালিটি, আইটেক্স ডাজলাৰ মিছ বিউটিফুল ফেচ, শ্বাউটআউট এনই ইণ্ডিয়া মিছ টুৰিজম নৰ্থ ইষ্ট, পেজেণ্ট টাইমছ মিছ পপুলাৰ আৰু চানচিল্ক হেয়াৰ হেকচ ডিভা।
শীৰ্ষ-১৫ গৰাকী প্ৰতিযোগীয়ে ইভিনিং গাউন প্ৰেজেণ্টেচনত অংশগ্ৰহণ কৰিব, য’ত তেওঁলোকে শীৰ্ষ ফেশ্বন ডিজাইনাৰ আৰু ব্ৰেণ্ড, যেনে, জানচাই, কৰণ থোকচোম, আৰিফ মুখিম আৰু মেগা এণ্টাৰটেইনমেণ্টৰ অফিচিয়েল ডিজাইনাৰ দীপিকা দেৱীৰ সৃষ্টি প্ৰদৰ্শন কৰিব।
প্ৰতিযোগিতাৰ আয়োজকসকলে ৭ৰ পৰা ১৩ নৱেম্বৰলৈ শ্বিলং, ইম্ফল, ডিব্ৰুগড়, গুৱাহাটী, কোহিমা আৰু আগৰতলাত অনুষ্ঠিত কেইবাটাও অডিচনৰ জৰিয়তে ৫০ গৰাকী ফাইনেলিষ্ট বাছনি কৰিছিল। প্ৰতিযোগীসকলে তেওঁলোকৰ প্ৰশিক্ষণ আৰু সাজ-সজ্জাৰ সময়ত এক কঠোৰ পূৰ্ব-বিচাৰ প্ৰক্ৰিয়াৰ মাজেৰে যাব, আৰু অৱশেষত ৩ গৰাকী মহিলাই চানচিল্ক মেগা মিছ নৰ্থ ইষ্ট ২০২১-ৰ আকাংক্ষিত খিতাপ জিকিব।
