হৰিদ্বাৰৰ সাম্প্ৰদায়িক ভাষণ প্ৰসঙ্গত হস্তক্ষেপ বিচাৰি ভাৰতৰ মুখ্য ন্যায়াধীশ এন ভি ৰমনালৈ পত্ৰ প্ৰেৰণ কৰিছে উচ্চতম ন্যায়ালয়ৰ ৭৬ জন অধিবক্তাই।
দিল্লী আৰু হৰিদ্বাৰত শেহতীয়াকৈ দুটা ধৰ্মীয় অনুষ্ঠানত কৰা সাম্প্ৰদায়িক আহ্বান সন্দৰ্ভত উচ্চতম ন্যায়ালয়ক স্বতঃপ্ৰণোদিত ভাৱে বিবেচনা কৰিবলৈ আহ্বান জনাইছে পত্ৰখনত।
অধিবক্তাসকলে পত্ৰখনত উল্লেখ কৰে যে আৰক্ষীয়ে কোনো পদক্ষেপ গ্ৰহণৰ পৰা আঁতৰি থকা ক্ৰমান দৈনিক নিয়মিত পৰিণত হোৱা এনে ঘটনা প্ৰতিৰোধ কৰিবলৈ জৰুৰী ন্যায়িক হস্তক্ষেপৰ প্ৰয়োজন।
হৰিদ্বাৰ আৰু দিল্লীৰ ধৰ্মীয় সন্মিলনৰ ফালে আঙুলিয়াই দি দুষ্মন্ত দাভে, প্ৰশান্ত ভূষণ আৰু বৃন্দা গ্ৰোভাৰ, চলমান খুৰ্ছিদ আৰু পাটনা উচ্চ ন্যায়ালয়ৰ প্ৰাক্তন ন্যায়াধীশ অঞ্জনা প্ৰকাশকে ধৰি বিশিষ্ট অধিবক্তাসকলে স্বাক্ষৰ কৰা পত্ৰখনত এইদৰে কোৱা হৈছে, “ওপৰোক্ত ঘটনা আৰু ভাষণবোৰ কেৱল ঘৃণামূলক ভাষণ নহয়, সমগ্ৰ সম্প্ৰদায়ৰ হত্যাৰ বাবে মুকলি আহ্বানৰ সমান।”
পত্ৰখনত কোৱা হৈছে যে ভাষণসমূহে কেৱল দেশৰ একতা আৰু অখণ্ডতাৰ বাবেই নহয়, লাখ লাখ মুছলমান নাগৰিকৰ জীৱন বিপদত পেলাইছে।
মুছলমানসকলৰ বিৰুদ্ধে গণহত্যা আৰু অস্ত্ৰ-শস্ত্ৰ ব্যৱহাৰৰ মুকলি আহ্বানক লৈ ছ’চিয়েল মিডিয়াত ক্ষোভ আৰু নিন্দাৰ পিছত হৰিদ্বাৰ অনুষ্ঠানৰ চাৰি দিন পিছত আৰক্ষীয়ে মাত্ৰ এজন ব্যক্তিৰ নাম উল্লেখ কৰি গোচৰ ৰুজু কৰিছিল। অৱশ্যে পিছত ধৰ্ম দাস আৰু সাধ্বী অন্নপূৰ্ণাৰ নামো গোচৰত যোগ দিয়া হয়।
পত্ৰখনত কোৱা হৈছে, “মন কৰিব লগীয়া যে পূৰ্বৰ ঘৃণামূলক ভাষণৰ সন্দৰ্ভত আইপিচিৰ ১৫৩, ১৫৩এ, ১৫৩বি, ২৯৫এ, ৫০৪, ৫০৬, ১২০বি, ৩৪ টা ব্যৱস্থাৰ অধীনত কোনো কাৰ্যকৰী পদক্ষেপ লোৱা হোৱা নাই। সেয়েহে, এনে ঘটনাপ্ৰতিৰোধ কৰিবলৈ জৰুৰী ন্যায়িক হস্তক্ষেপৰ প্ৰয়োজন হৈ পৰিছে।”
“দেশৰ ন্যায়িক শাখাৰ মুৰব্বী হিচাপে আপোনাৰ ক্ষমতাৰ আধাৰত তৎক্ষণাৎ পদক্ষেপ লোৱাৰ আশাত; ন্যায়পালিকাৰ স্বাধীনতা আৰু সাংবিধানিক মূল্যবোধ দুয়োটাৰ প্ৰতি আপোনাৰ প্ৰভুত্বৰ প্ৰতিশ্ৰুতি আৰু লগতে বহুসাংস্কৃতিক ৰাষ্ট্ৰৰ কাম-কাজৰ বাবে মৌলিকতাৰ বিষয়ত আপোনাৰ কৰ্তৃত্বৰ বাবে আমি আপোনালৈ এই পত্ৰ প্ৰেৰণ কৰিছো।”- আবেদনখনত এইদৰে উল্লেখ কৰে অধিবক্তা সকলে।