নাগা বিদ্ৰোহী এন এছ চি এন (ইউনাইটেড)ৰ দুজন শীৰ্ষ নেতাৰ পুত্ৰ-জীয়ৰীয়ে হাতত স্বয়ংক্ৰিয় বন্দুক লৈ ফট’ তোলা “বিয়াখনৰ” এক ভিডিঅ’ আহিছে।
ভিডিঅ’টোত সামৰিক ইউনিফৰ্ম পৰিহিত কেইজনমান ব্যক্তিক ধাৰাসাৰে শূন্যলৈ গুলী চলোৱা দেখা গৈছে।
নৰ্থইষ্ট নাও-এ ভিডিঅ’টোৰ সত্যতাৰ প্ৰত্যাভূতি দিব নোৱাৰে।
কিন্তু, খবৰমতে, গুলীৰ বৰষুণ চলা ভিডিঅ’টো যোৱা ৯ নৱেম্বৰত ডিমাপুৰৰ ৫ মাইলত অনুষ্ঠিত বিয়াখনৰ অভ্যৰ্থনা অনুষ্ঠানৰ পিছৰ আনন্দৰ উদযাপন।
অস্ত্ৰধাৰী দৰা-কইনাৰ ছবিয়ে সংবাদশীৰ্ষ দখল কৰাৰ পিছত নাগালেণ্ডৰ আৰক্ষী সঞ্চালকপ্ৰধান টি জং লংকুমেৰে ব্যৱস্থাগ্ৰহণৰ নিৰ্দেশ দিয়া বুলি বাতৰিত প্ৰকাশ।
নাগালেণ্ডৰ ৰাজ্যপাল আৰ এন ৰৱিয়েও ইতিমধ্যে আৰক্ষী সঞ্চালকপ্ৰধানক ঘটনাটো সন্দৰ্ভত “এটা অপৰাধমূলক গোচৰ পঞ্জীয়ন, বন্দুকসমূহ জব্দ আৰু দুষ্কৃতিকাৰীক গ্ৰেপ্তাৰ” কৰিবলৈ নিৰ্দেশ দিছিল।
দৰা-কইনাৰ ছবিখনত দুয়ো এ কে ৫৬ আৰু এম ছিক্সটীন বন্দুক লৈ থকা দেখা গৈছিল।
দৰাৰ দেউতাক বহ’ট’ কিবা এন এচ চি এন (ইউ)ৰ গৃহ মন্ত্ৰী (kilo kilonser)।
এন এছ চি এন (আই এম) আৰু এন এছ চি এন (কে)ৰ মাজত হোৱা বিভাজন আঁতৰোৱাৰ লক্ষ্যৰে ২০০৭ চনত এন এছ চি এন (ইউ) গঠন হৈছিল।
