সুস্থ হৈ থাকিবলৈ চেষ্টা কৰাৰ সময়ত পেটৰ চৰ্বি কমি যোৱাটো অন্যতম ডাঙৰ প্ৰত্যাহ্বান। যদিও ব্যায়াম আৰু খাদ্যাভ্যাসে এই ক্ষেত্ৰত ডাঙৰ ভূমিকা পালন কৰে, তথাপিও ৰাতিপুৱাৰ সৰু অভ্যাসবোৰেও পেটৰ চৰ্বি হ্ৰাস কৰাত বৃহৎ প্ৰভাৱ পেলাব পাৰে। আপুনি দিনটো আৰম্ভ কৰা ধৰণেই আপোনাৰ বিপাকীয় ক্ৰিয়া, হজম শক্তি আৰু চৰ্বি ক্ষয় প্ৰক্ৰিয়া নিৰ্ধাৰণ কৰে। যদি আপুনি পেটৰ চৰ্বি কম কৰিব বিচাৰে তেন্তে ৰাতিপুৱাৰ সঠিক ৰুটিনত মনোনিৱেশ কৰাটো গুৰুত্বপূৰ্ণ। পেটৰ চৰ্বি প্ৰাকৃতিক আৰু স্বাস্থ্যসন্মতভাৱে হ্ৰাস কৰিবলৈ ৰাতিপুৱাৰ ৫টা ফলপ্ৰসূ অভ্যাসৰ বিষয়ে জানি লওক-
১. নেমুৰ পানঃ
ৰাতিপুৱাৰ ৰ’দত খিৰিকীৰ কাষত বহি এগিলাচ নেমুৰ পানী খোৱাৰ অভ্যাসে আপোনাৰ বিপাকীয় ক্ৰিয়াৰ বাবে আচৰিত কাম কৰিব পাৰে। নেমুত ভিটামিন চি থাকে, যিয়ে চৰ্বিৰ অক্সিডেচনত সহায় কৰে, আনহাতে গৰম পানীয়ে পাচনত সহায় কৰে আৰু বিষাক্ত পদাৰ্থ বাহিৰ কৰি দিয়ে। ২০১৮ চনৰ এক অধ্যয়নত দেখা গৈছে যে হাইড্ৰেটেড হৈ থাকিলে ওজন হ্ৰাস কৰাত সহায়ক হ’ব পাৰে। এচিকুট ডালচেনি বা মৌ যোগ কৰিলে ইয়াৰ চৰ্বি জ্বলোৱা গুণ আৰু অধিক বৃদ্ধি পাব পাৰে।
২. উচ্চ প্ৰটিনযুক্ত ব্ৰেকফাষ্ট কেতিয়াও এৰি নিদিবঃ
ব্ৰেকফাষ্টত যি খায় সেয়া হয় আপোনাৰ চৰ্বি হ্ৰাসৰ যাত্ৰা ক্ষিপ্ৰ কৰিব পাৰে নহয় লেহেমীয়া কৰিব পাৰে। উচ্চ প্ৰটিনযুক্ত ব্ৰেকফাষ্টে আপোনাক বেছি দিনলৈকে ভৰপূৰ কৰি ৰাখে, ভোক কমায়, আৰু তেজৰ চেনিৰ মাত্ৰা সুস্থিৰ কৰে। কণী, পনিৰ, বাদামৰ দৰে খাদ্যই পেশী গঠনত সহায় কৰে আৰু পেটৰ চৰ্বি হ্ৰাস কৰে।
৩. উপবাসী কাৰ্ডিঅ‘ঃ
ফাষ্টেড কাৰ্ডিঅ’, অৰ্থাৎ ব্ৰেকফাষ্ট খোৱাৰ আগতে ব্যায়াম কৰা, জমা হোৱা চৰ্বি জ্বলোৱাৰ এক উত্তম উপায়। খালী পেটত ব্যায়াম কৰিলে শৰীৰে কাৰ্বহাইড্ৰেটৰ সলনি শক্তিৰ বাবে চৰ্বিৰ ওপৰত নিৰ্ভৰ কৰে। ২০-৩০ মিনিটৰ সাধাৰণ দ্ৰুত খোজ কঢ়া, লঘু জগিং কৰা, বা ৰছী জপিয়াই অতিৰিক্ত কেলৰি কম কৰাত সহায় কৰিব পাৰে আৰু পেটৰ চৰ্বি হ্ৰাস কৰিব পাৰে।
৪. গভীৰ উশাহ লোৱাঃ
পেটৰ চৰ্বি জমা হোৱাৰ অন্যতম ডাঙৰ কাৰণ হ’ল মানসিক চাপ। কৰ্টিছলৰ মাত্ৰা বেছি হ’লে (ষ্ট্ৰেছ হৰম’ন) কঁকালৰ চাৰিওফালে চৰ্বি জমা হ’ব পাৰে। প্ৰতিদিনে পুৱা কেইমিনিটমান গভীৰ উশাহ-নিশাহ, যোগাসন বা ধ্যান কৰিলে কৰ্টিছলৰ মাত্ৰা হ্ৰাস পায় আৰু হজম শক্তি উন্নত হয়, যিয়ে চৰ্বি কমি যোৱাত ভূমিকা পালন কৰে। শান্ত মন এটাই শৰীৰক অধিক কাৰ্যক্ষমভাৱে কাম কৰাত সহায় কৰে, সুস্থ বিপাকীয় ক্ৰিয়াত সহায় কৰে।
৫. ভিটামিন ডিৰ বাবে সূৰ্যৰ পোহৰৰ সংস্পৰ্শঃ
ৰাতিপুৱাৰ সূৰ্যৰ পোহৰত পৰিলে পেটৰ চৰ্বি হ্ৰাস কৰাত আচৰিত ধৰণৰ প্ৰভাৱ পৰিব পাৰে। ২০১৩ চনত কৰা এক অধ্যয়ন অনুসৰি ভিটামিন ডিৰ পৰিমাণ পৰ্যাপ্ত পৰিমাণে থকা লোকৰ পেটৰ চৰ্বি কম হয়। সূৰ্যৰ পোহৰে বিপাকীয় ক্ৰিয়া নিয়ন্ত্ৰণ কৰাত সহায় কৰে আৰু মেজাজ উন্নত কৰে, অতিমাত্ৰা খাদ্য গ্ৰহণ ৰোধ কৰে। ৰাতিপুৱা মাত্ৰ ১০-১৫ মিনিট সূৰ্যৰ পোহৰত থাকিলে স্বাস্থ্যসন্মত ভিটামিন ডিৰ মাত্ৰা বজাই ৰখাত সহায়ক হয়, যিয়ে পৰোক্ষভাৱে চৰ্বি কমি যোৱাত সহায় কৰে।
