HDFC বেংকে আজি অসমত ১৫ বছৰ সম্পূৰ্ণ হোৱা বুলি ঘোষণা কৰে। বুধবাৰে মহানগৰীৰ হোটেল লেণ্ড মাৰ্কত সম্বোধন কৰা সংবাদমেলত এই কথা ঘোষণা কৰে HDFC বেংকৰ কৰ্পৰেট কমিউনিকেশ্যনৰ উপাধ্যক্ষ ৰাজীৱ বেনাৰ্জীয়ে।
২০০৪ চনত গুৱাহাটীৰ জি এছ ৰোডত প্ৰথমটো কাৰ্য্যালয় আৰম্ভ কৰা বেংকটোয়ে বৰ্তমান অসমত ২.৫ লাখ গ্ৰাহকক সেৱা প্ৰদান কৰি আছে বুলি সংবাদমেলত বেনাৰ্জীয়ে উল্লেখ কৰে।
’৭২ টা শাখা আৰু ১২১ টা এ টি এমৰ সৈতে বেংকটোৱে অতিশয় দুৰ্গম অঞ্চলতো নিজৰ সেৱা বিস্তাৰ কৰিবলৈ সক্ষম হৈছে। অসমৰ ২৭ খন জিলাত উপলব্ধ এই বেংক সেৱা।‘ বেনাৰ্জীয়ে সংবাদমেলত কয়।
তেওঁ লগতে কয় যে যোৱা ১৫ বছৰ ধৰি অসমৰ অৰ্থনৈতিক বিকাশ আৰু কৰ্ম সংস্থাপন সৃষ্টিত HDFC-এ অৱদান আগবঢ়াই আহিছে।
‘পৰিৱৰ্তন শীৰ্ষক এক কাৰ্য্যসূচীৰ জৰিয়তে এই বেংকে অসমৰ ১৫.৫৩ লাখ লোকৰ জীৱন প্ৰভাম্বিত কৰিবলৈ সক্ষম হৈছে।‘ বেনাৰ্জীয়ে কয়।
আনহাতে, সেই একেখন সংবাদমেলতে উপস্থিত থাকি বেংকটোৰ পূব আৰু উত্তৰ-পূব শাখাৰ বেংকিঙৰ মুৰব্বী সন্দীপ এছ কুমাৰে কয় ‘গ্ৰাহকে আমাৰ প্ৰতি দেখুওৱা বিশ্বাসৰ বাবে আমি তেওঁলোকৰ ওচৰত চিৰ কৃতজ্ঞ।‘
