গোলাপ এবিধ সকলোৰে পৰিচিত ফুল। ইয়াৰ ঠাৰিবোৰ কাঁইটীয়া। বগা, ৰঙা, গোলাপীয়া আদি বিভিন্ন ৰঙৰ গোলাপ ফুল পোৱা যায়। গোলাপৰ সৌন্দর্যই সকলোকে মুগ্ধ কৰে কাৰণে ফুলৰ ৰাণীৰ আসন অধিকাৰ কৰিব পাৰিছে। গোলাপ ফুলে শৰীৰ শীতল কৰে আৰু শক্তি দিয়ে।
ফুলৰ ৰাণী গোলাপৰো কিছুমান ঔষধি গুণ আছে জানো আহক:
১)গোলাপ ফুলৰ ৰস উলিয়াই মৌৰে খালে অৰুচি দূৰ হয়।
২)সৰু ল’ৰা-ছোৱালীৰ পয়ালগা ৰোগত গোলাপ ফুলৰ পাপৰি আৰু চুজি মিহলাই হালোৱা বনাই খুৱালে ৰোগ ভাল হয়।
৩)মহিলাৰ বন্ধ্যাত্বত গোলাপ ফুল ঘিউৰে মোহাৰি শুঙিলে বন্ধ্যাত্বত উপকাৰ পোৱা যায়। অৱশ্যে এনেদৰে বহু দিন একেৰাহে কৰিলেহে ফল পোৱা যায়।
Also read : Benefits of Pear: নাচপতিত লুকাই আছে আচৰিত ধৰণৰ গুণাগুণ: আপোনালোকে জানেনে?
৪)গৰ্ভপাত হোৱা মহিলাই চফ গুটি ৫০-৬০ গ্রাম গুড়ি কৰি গোলাপ ফুলৰ শিপাৰ ৰস ১-২, চামুচ মিহলাই তাৰ লগত পানী মিহলাই কেইদিনমান খালে ভাল ফল পোৱা যায়।
৫)গোলাপ ফুলৰ পাপৰিৰ পৰা তৈয়াৰ কৰা গোলকন্দই শৰীৰলৈ শীতলতা আনে আৰু ই পুষ্টিকৰো।
৬)গোলাপ ফুলে পাচন শক্তি বৃদ্ধি কৰে। বাত, পিত্ত আদি ৰোগতো গোলাপ ফুলৰ পাপৰি শুকুৱাই মৌৰে সিজাই খালে উপকাৰ পোৱা যায়।
৭)গোলাপৰ পাপৰি পানীত তিয়াই সেই পানীৰে মুখ মোহাৰিলে ছাল কোমল আৰু সজীৱ হয় লগতে ওঁঠত লগালেও একেই ফল পোৱা যায়।
৮)গোলাপৰ পাপৰিৰ ৰসে বীর্য বঢ়ায় আৰু তেজ পৰিস্কাৰ কৰে।
Also read : Benefits of Starfruit: কৰ্দৈ টেঙাৰ আছে বহু স্বাস্থ্যসন্মত উপকাৰ; আহকচোন জানো কৰ্দৈৰ উপকাৰিতা সমূহ
