কৰ্দৈ টেঙা যাক Star fruit আৰু বৈজ্ঞানিক ভাবে Averrhoa carambola বুলিও কোৱা হয়। ইয়াৰ কেলৰি কম থাকে কিন্তু যথেষ্ট ভিটামিন, খনিজ দ্রব্য এন্টী অক্সিডেন্ট আদি দেহ গঠনকাৰী, দেহৰ ৰোগ নিৰ্মূল কৰিব পৰা পোষক দ্রব্য উপলব্ধ।
পোষক দ্ৰব্যৰ ভিতৰত ফাইবাৰ, প্ৰটিন, ভিটামিন C, ভিটামিন B5, কেলচিয়াম, চডিয়াম, ফলেত, পটাচিয়াম আৰু মেগনেছিয়াম প্রধান।
গ্ৰাম্য জীৱনত কৰ্দৈ অতি জনপ্ৰিয় টেঙা হিচাপে খোৱা হয়। নিমখ জলকীয়া সানি কেঁচাই খোৱাৰ উপৰি বহুতেই ইয়াৰ ৰান্ধিও খায়।
ইয়াৰ উপকাৰীতা সমূহ জানো আহক:-
১) যথেষ্ট ফাইবাৰ সমৃদ্ধিশালী হোৱা হেতুকে দেহত কেঞ্চাৰ ৰোগ প্ৰতিৰোধ কৰিব পাৰে। ইয়াত থকা ফাইবাৰ সমূহে দেহৰ toxicity হ্ৰাস কৰে যাৰ বাবেই কেঞ্চাৰৰ আশংকা হ্রাস হয়।
২) ছালৰ ৰোগ চৰাইছিছ আৰু দাৰমাতাইটিছ প্ৰসমনৰ বাবে উপকাৰী। কৰ্দৈত থকা উচ্চগুণমানৰ এন্টী- অক্সিডেন্টৰ বাবে এই লাভ পোৱা যায়।
Also Read: Benefits of coconut water গৰমৰ দিনত নাৰিকল পানী খাঁওক আৰু ভালে ৰাখক স্বাস্থ্য
৩) এই ফলত চৰ্বী প্ৰায় শূণ্য কিন্তু ফাইবাৰ সৰহ পৰিমানে থাকে লগতে এই ফল সেৱন কৰিলে শৰীৰৰ বিপাকীয় কাৰ্য্য ক্ষিপ্ৰত্যৰ হয় ফলত দেহৰ অতি মেদবহুলতা নিয়ন্ত্রণ হয় ইয়াক গ্ৰহণ কৰিলে।
৪) এই ফলত থকা ভিটামিন C আৰু এন্টী অক্সিডেন্ট সমূহে তেজৰ শ্বেতক্তকণিকা গঠনত সহায়ক হব পাৰে যাৰ ফলত দেহৰ ৰোগ প্ৰতিৰোধ ক্ষমতা বৃদ্ধি হব ।
৫) এই ফলৰ ইনফ্লেমেটৰি গুণ আছে যাৰ বাবে ডিঙিৰ খুচখচনী দূৰ কৰা, হাওফাঁওৰ কফ নিঃসৰণ কৰাত সহায় কৰে।
৬) এই ফলৰ চড়িয়াম, পটাচিয়াম এ তেজৰ ইলেক্ট্রলাইটৰ স্থিতি সমতুল কৰি ৰক্তচাপ নিয়ন্ত্ৰণ কৰিব পাৰে, হৃদযন্ত্ৰৰ স্পন্দন নিয়ন্ত্ৰণ কৰিব পাৰে ফলত দেহত ৰক্ত সঞ্চালন সমতুল হৈ থাকিব। লগতে এই ফলৰ কেলচিয়ামে ৰক্ত পৰিবাঁহী শিৰা ধমনীৰ tension ৰোধ কৰি হাৰ্ট এটাকৰ শংকা দূৰ কৰিব।
৭) কোষ্ঠ্য কাঠিন্য সমস্যা, ডিচেম্বী আদিতো এই ফল খোৱা উপকাৰী।
কিন্তু কৰ্দৈ টেঙা খাওঁতে সাৱধান হওক বৃক্ক ৰোগত কৰদৈ টেঙা অপকাৰী
বৃক্ক ৰোগত আক্ৰান্ত লোকে এই ফল সেৱন কৰা অপকাৰী। লগতে এই তথ্যও প্রকাশ পাইছে যে এই ফলত এবিধ বিষাক্ত দ্রব্য ‘নিউটক্সিন’ যাৰ নাম কাৰাম্বন্ধিন ( caramboxin) উপলব্ধ যিয়ে মগজু আৰু স্নায়ুৰ সমস্যা সৃষ্টি কৰিব পাৰে। কিন্তু কিডনী ভালে থকা লোকে এই ফল সেৱন কৰিলেও এই ‘নিউটক্সিন’ পেচাবৰ সৈতে নিঃসৰণ হয়।
Also Read: Benifits of Watermelon: তৰমুজৰ আকাৰৰ দৰেই আছে গুণাগুণৰো ভাণ্ডাৰ; জানো আহক ইয়াৰ উপকাৰীতাৰ বিষয়ে
