“বিশ্বাস কৰা মা-দেউতা, তোমালোকেই মোৰ পৃথিৱী”, সামাজিক মাধ্যমত হৃদয় বিদাৰক পোষ্ট ‘ত্যাজপুত্ৰ’ তেজ প্ৰতাপৰ

নিজৰ পৰিয়াল আৰু ৰাষ্ট্ৰীয় জনতা দলৰ পৰা বহিষ্কাৰ হোৱা তেজ প্ৰতাপ যাদৱে পিতৃ লালু প্ৰসাদ যাদৱ আৰু মাতৃ ৰাবৰি দেৱীলৈ এক আৱেগিক বাৰ্তা প্ৰদান কৰিছে। এক্সত প্লেটফৰ্মত দিয়া এটা বাৰ্তাত তেওঁ কয় যে তেওঁৰ জীৱনৰ সকলো কথা তেওঁৰ পিতৃ-মাতৃৰ ওপৰত নিৰ্ভৰশীল।

এক্স প্লেটফৰ্মত শ্বেয়াৰ কৰা এটা পোষ্টত তেজ প্ৰতাপে পিতৃ লালু প্ৰসাদ আৰু মাতৃ ৰাবৰি দেৱীৰ বিষয়ে লিখিছে, ‘মা, দেউতা আপোনালোক দুয়োৱেই মোৰ পৃথিৱী।’ কোনো নিৰ্দিষ্ট লোকৰ নাম নোলোৱাকৈয়ে তেওঁ দলৰ একাংশ সদস্যক লৈ দুখ প্ৰকাশ কৰে, যিসকলে তেওঁৰ পৰিয়ালৰ ঐক্য দুৰ্বল কৰিবলৈ চেষ্টা কৰিছে বুলি অভিযোগ উত্থাপন কৰে।

পোষ্টটোত তেওঁ লিখিছে-“মোৰ মৰমৰ মা আৰু দেউতা, মোৰ গোটেই পৃথিৱীখন তোমালোক দুজন। তোমাৰ আদেশতকৈ ডাঙৰ একো নাই, ভগৱানতকৈও ডাঙৰ। মই কেৱল তোমালোকৰ আস্থা আৰু মৰম বিচাৰো, আন একো নালাগে।”

লগতে তেওঁ কয়, “দেউতা, তোমাৰ অবিহনে এই দলৰ অস্তিত্ব নাথাকিলহেঁতেন, মোৰ লগত ৰাজনীতিত থকা লোভী জয়চন্দ্ৰৰ দৰে মানুহো নাথাকিলহেঁতেন। মই মাথোঁ বিচাৰো তোমালোক দুয়োজন সদায় সুস্থ আৰু সুখী হৈ থকা।”

উল্লেখ্য যে যোৱা ২৫ মে’ত আৰজেডি কৰ্তৃপক্ষই তেজ প্ৰতাপক “দলৰ মূল্যবোধৰ প্ৰতি অশ্লীল আৰু অপমানজনক আচৰণ” কৰাৰ বাবে ছবছৰৰ বাবে দলৰ পৰা বহিষ্কাৰ কৰাৰ কথা ঘোষণা কৰে। লগতে তেওঁক পৰিয়ালৰ পৰাও বহিষ্কাৰ কৰা হয়।