গৰমে যন্ত্ৰণা দিছে সকলোকে। জন জীৱন একপ্ৰকাৰৰ ব্যহাত হৈ পৰিছে গৰমৰ বাবে। বতাহৰ আৰ্দ্ৰতা ইমানেই বেছি যে ঘৰৰ পৰা ওলাই গ’লে হিট ষ্ট্ৰ’কৰ সম্ভাৱনা বৃদ্ধি পাইছে।
বিশেষজ্ঞসকলৰ মতে, শৰীৰৰ উষ্ণতা ১০৪ ডিগ্ৰী ফাৰেনহাইটতকৈ অধিক হ’লে হিট ষ্ট্ৰ’কৰ সম্ভাৱনা বৃদ্ধি পায়। হিট ষ্ট্ৰোকে মগজুৰ স্নায়ুতন্ত্ৰৰ ক্ষতি কৰে। ইয়াৰ ফলত পক্ষাঘাত আৰু মৃত্যুও হ’ব পাৰে
কেইটামান সাধাৰণ লক্ষণে আপোনাক ক’ব যে আপুনি হিট ষ্ট্ৰ’কত আক্ৰান্ত হৈছে নে নাই। যেনে- ৰুক্ষ ছাল, ডিঙি শুকাই যোৱা, দ্ৰুত উশাহ-নিশাহ, ৰক্তচাপ বৃদ্ধি, বমি, মূৰ ঘূৰোৱা আৰু দৃষ্টিশক্তি কমী যোৱা। হিটষ্ট্ৰোকৰ বাবে চেতনাও হেৰুৱাব পাৰে।
বিশেষজ্ঞসকলৰ মতে, গৰমত ৰ’দত থকা, ডিহাইড্ৰেচন, অত্যধিক মদ্যপান, দুৰ্বলতা আৰু উচ্চ ৰক্তচাপৰ বাবে হিট ষ্ট্ৰ’কৰ সম্ভাৱনা বৃদ্ধি পায়। মেদবহুলতাৰ উপৰিও ডায়েবেটিছ আৰু হৃদৰোগ বা স্নায়ুজনিত সমস্যাই হিট ষ্ট্ৰোকৰ সম্ভাৱনা বৃদ্ধি কৰে
বিশেষজ্ঞসকলে প্ৰচুৰ পৰিমাণে পানী, নেমুৰ পানী, পদিনা পানী আদিয়ে শৰীৰকম হিটষ্ট্ৰোকৰ সম্ভাৱনাৰ পৰা ৰক্ষা কৰে। লগতে বনৌষধিযুক্ত চাহ, ইলেক্ট্ৰ’লাইট পানী আদি সেৱন কৰাটোও উপকাৰী।
গৰমৰ দিনত তেলীয়া-মচলাযুক্ত খাদ্য পৰিহাৰ কৰিব লাগে। পৰাপক্ষত ৰ’দৰ পৰা আঁতৰত থাকিব লাগে।
ৰ’দত ওলাই গ’লেও ছাতি, ছানগ্লাছ লৈ যাব। পাৰিলে মূৰ আৰু মুখখন পাতল কপাহী কাপোৰেৰে মেৰিয়াই লৈহে ৰ’দত ওলাব লাগে। গৰমত অনবৰতে এটা পানীৰ বটল লগত ৰাখিব লাগে।
