বানে বিধ্বস্ত কৰা ৰাজ্য অসমত অহা ৪৮ ঘণ্টাত অসমত হ’ব ধাৰাসাৰ বৰষুণ হ’ব বুলি বতৰ বিজ্ঞান কেন্দ্ৰৰ সতৰ্কবাণী দিছে।
২৩ জুনলৈ অসমৰ বিভিন্ন স্থানত ধাৰাসাৰৰ পৰা মজলীয়া স্তৰৰ বৰষুণ হৈ থাকিব। ধাৰাসাৰ বৰষুণৰ ফলত ৰাজ্যৰ বান পৰিস্থিতিৰ অৱনতিৰ আশংকা কৰা হৈছে।বিভাগটোৱে জাৰি কৰা বতৰ সম্পৰ্কীয় বুলেটিন অনুসৰি ধুবুৰী, দক্ষিণ শালমাৰা, গোৱালপাৰা, কোকৰাঝাৰ, চিৰাং, বাক্সা, বৰপেটা, পশ্চিম কাৰ্বি আংলং, লখিমপুৰ, ধেমাজি, ডিমা হাচাও, কাছাৰ আৰু কৰিমগঞ্জ জিলাত ৪৮ ঘণ্টাত প্ৰচুৰ বৰষুণ হোৱাৰ সম্ভাৱনা আছে। ইফালে, ২৩ জুনলৈকে এসমৰ কেইবাঠাইতো মধ্যমীয়া বৰষুণ অব্যাহত থাকিব।
কেন্দ্ৰীয় বতৰ বিজ্ঞান কেন্দ্ৰই প্ৰকাশ কৰা তথ্য ৪৮ ঘণ্টাৰ ভিতৰত অসমকে ধৰি সমগ্ৰ উত্তৰ পূৰ্বাঞ্চলত বৰষুণ হ’ব।
বতৰ বিজ্ঞান কেন্দ্ৰৰ মতে এই দিন কেইটাত বৰষুণৰ লগতে বতাহেও কোবাই যাব অসম তথা উত্তৰ পূবক।
অসমৰ উপৰি নাগালেণ্ড.মণিপুৰ,মেঘালয় আৰু ছিকিমতো এই দিন কেইটাত বিজুলী গাজনিৰে ধাৰাসাৰ বৰষুণ হ’ব।
ইপিনে শেহতীয়াকৈ হোৱা বৰষুণৰ পিছতে ৰাজ্যত পুনৰ বান পৰিস্থিতিৰ অৱনতি ঘটিছে।
বৰ্তমান ৰাজ্যৰ ৩২ খন জিলাৰ ৩১ লাখ লোক বানৰ কৱলত আছে।মৃত্যু ঘটিছে ৬৩ গৰাকী লোকৰ।
বিশ্বনাথ, গোৱালপাৰা,যোৰহাট আদি অঞ্চলত শেহতীয়াকৈ হৈ যোৱা বৰষুণে বিস্তীৰ্ণ অঞ্চল বুৰাই পেলাইছে।
ৰাজ্যত পুনৰ ধাৰাসাৰ বৰষুণ হ’ব বুলি বতৰ বিজ্ঞান কেন্দ্ৰই দিয়া আগলি বতৰাত সেয়ে স্বাভাৱিকতে শংকিত হৈ পৰিছে বানত হাবু ডুবু খাই থকা লোক সকলে।