হিন্দু-মুছলমানৰ মাজত কোনো বিভেদ অথবা ভিন্ন নাই। সেয়ে হিন্দ-মুছলমানৰ মাজত সম্প্ৰীতিৰ যি কথা কোৱা হৈ আহিছে সেয়া অৰ্থহীন।
এই মন্তব্য উগ্ৰ হিন্দুত্ববাদী নেতা হিচাবে পৰিচিত আৰআৰএছৰ নেতা মোহন ভাগৱতৰ ।
আজি আৰআৰএছৰ মুছলমান লোকৰ শাখা মুছলিম ৰাষ্ট্ৰীয় মঞ্চৰ এখন সভাত ভাষণ দি ভাগৱতে এনেদৰে কয়। তেওঁ কয় যে হিন্দু-মুছলমান উভয়ে একেটা মুদ্ৰাৰ ইপিঠি-সিপিঠি। এইক্ষেত্ৰত বিভেদৰ কোনো কথাই নাহে।
ভাগৱতে কয় যে ধৰ্ম যিয়েই নহওঁক, সকলো ভাৰতীয় লোকৰ ডিএনএ একেই।হিন্দু-মুছলমানৰ মাজৰ সংঘাত পাৰস্পৰিক আলাপ-আলোচনাৰ মাজেৰে দূৰ কৰাটো সম্ভৱ বুলিও তেওঁ কয়।
ভাৰতবৰ্ষত ইছলাম সংকটৰ গৰাহত পৰা বুলি শংকিত নহ’বলৈও তেওঁ মুছলমান লোকসকলক আহ্বান জনায়।
তেওঁ কয়’ আমি গণতান্ত্ৰিক দেশ এখনত বাস কৰিছো।
ইয়াত হিন্দু অথবা মুছলমান কোনেও প্ৰভূত্ব বিস্তাৰ কৰিব নোৱাৰে’।ৰাজনীতিয়ে মানুহক একতাৰ দোলেৰে বান্ধিব নোৱাৰে বুলিও ভাগৱতে তাৎপৰ্যপূৰ্ণ মন্তব্য কৰে।
ৰাজনীতি একতাৰ অস্ত্ৰ নহয়, ধ্বংসৰহে অস্ত্ৰ বুলিও ভাগৱতে কয়।
