বিভৎস! সম্পত্তিৰ বাবে পিতৃক ঘুচিয়াই হত্যা কৰিলে পুত্ৰই
সম্পত্তিৰ বিবাদৰ বাবে পুত্ৰই পিতৃক হত্যা কৰাৰ ঘটনা শেহতীয়াকৈ পোহৰলৈ আহিছে । বাৰম্বাৰ বৃদ্ধ পিতৃৰ মুখত ঘোচা মৰাৰ ফলত এই ঘটনা সংঘটিত হয়। সেই আঘাতত বৃদ্ধজনে নিজৰ সংজ্ঞা হেৰুৱাই পেলায়। পাছত চিকিৎসালয়তে তেওঁৰ মৃত্যু হয়। বৰ্তমান সমগ্ৰ ঘটনাৰ ভিডিঅ’ ছচিয়েল মিডিয়াত বিয়পি পৰিছে। ল’ৰাজনৰ এই নিষ্ঠুৰতাত স্তম্ভিত হৈ পৰিছে নেটিজেনসকল।
তামিলনাডুৰ পেৰামবালুৰত সংঘটিত হৈছে এই ঘটনা। মৃতকৰ নাম কুলন্ধাইভেলু (৬৫)। ১৮ এপ্ৰিলত তেওঁৰ মৃত্যু হয়। অভিযোগ অনুসৰি বৃদ্ধজনৰ পুত্ৰ সন্তোষে মাৰপিট কৰে। বৃদ্ধজনক চিকিৎসালয়ত ভৰ্তি কৰোৱা হয় যদিও প্ৰহাৰৰ কেইদিনমান পাছতে চিকিৎসালয়ত তেওঁৰ মৃত্যু হয়।
⚠️Disturbing Visual
Man beats to death his father over property dispute….
Where are we heading as a society and humans ?? pic.twitter.com/QsnK4OwHxQ
— Amitabh Chaudhary (@MithilaWaala) April 28, 2024
এই ঘটনাত পৰিয়ালটোৰ হৈ প্ৰথমে আৰক্ষীত এজাহাৰ দাখিল কৰা হৈছিল যদিও পাছত প্ৰত্যাহাৰ কৰা হয়। কিন্তু চিকিৎসালয়ত বৃদ্ধজনৰ মৃত্যুৰ পাছত পৰিয়ালৰ লোকে পুনৰ যুৱকজনৰ বিৰুদ্ধে আৰক্ষী থানাত এজাহাৰ দাখিল কৰে।বৰ্তমান আৰক্ষীয়ে গ্ৰেপ্তাৰ কৰিছে অভিযুক্তক।এই ভিডিঅ’টো ছ’চিয়েল মিডিয়াত নেটিজেনৰ দৃষ্টিৰ কেন্দ্ৰবিন্দুলৈ আহিছে। যুৱকজনৰ এই নিষ্ঠুৰতাক লৈ স্তম্ভিত হৈ পৰিছে বহু লোক। মৃতকৰ পৰিয়ালৰ সদস্যৰ ভূমিকাক লৈয়ো বহুজনে প্ৰশ্ন উত্থাপন কৰে। এই ঘটনা দেখি একাংশই মানুহৰ মাজত থকি মানৱীয়তাক লৈয়ো প্ৰশ্ন উত্থাপন কৰিছে।