লোকসভাত মহুৱাৰ বিৰুদ্ধে এথিক্স কমিটিৰ ৰিপ’ৰ্ট দাখিল; দ্বিতীয়বাৰৰ বাবে স্থগিত হ’ল সদন

লোকসভাৰ শীতকালীন অধিৱেশনৰ আৰম্ভণিৰে পৰাই মহুৱা মৈত্ৰৰ বিৰুদ্ধে নগদ ধনৰ বিনিময়ত প্ৰশ্নৰ গোচৰৰ ওপৰত দৃষ্টি ৰখা হৈছিল। এথিক্স কমিটিৰ প্ৰতিবেদন কেতিয়া দাখিল কৰা হ’ব? বৃহস্পতিবাৰে বহু আলোচনাৰ মাজতে ঘোষণা কৰা হয় যে শুকুৰবাৰে প্ৰতিবেদন দাখিল কৰা হ’ব। ইপিনে, শুকুৰবাৰে পুৱাৰে পৰা সংসদৰ লোকসভা সদনৰ ওপৰত সকলোৰে দৃষ্টি আছিল।

আজি প্ৰথম ভাগত হুলস্থুলৰ বাবে অধিৱেশন ১২ বজালৈ স্থগিত ৰখা হয়। সংবাদ সূত্ৰৰ পৰা জানিব পৰা মতে, ১২ বজাৰ পিছত যেতিয়া অধিৱেশন পুনৰ আৰম্ভ হয়, তেতিয়া এথিক্স কমিটিয়ে মহুৱাৰ বিৰুদ্ধে প্ৰতিবেদন দাখিল কৰে। প্রতিবেদনত মহুৱাৰ সাংসদ পদ খাৰিজ কৰাৰ পৰামৰ্শ দিয়া হৈছে বুলি জানিব পৰা গৈছে।

লগতে পঢ়কঃ উঞ্ছবৃত্তি নে মহদ্ ভ্ৰম! `অসম ম্যানমাৰৰ অংশ আছিল’-উচ্চতম ন্যায়ালয়ত কপিল ছিবালে এয়া কি ক’লে?

অৱশ্যে দ্বিতীয় পৰ্যায়ৰ আৰম্ভণিতে পুনৰ বিৰোধীৰ শ্লোগান আৰম্ভ হয়। এই হুলস্থুলৰ বাবে শুকুৰবাৰে দ্বিতীয়বাৰৰ বাবে স্থগিত ৰখা হয় লোকসভাৰ অধিৱেশন। দুপৰীয়া ২ বজালৈ স্থগিত ৰখাৰ কথা ঘোষণা কৰা হয়।

বৃহস্পতিবাৰে জানিব পৰা গৈছিল যে এথিক্স কমিটিৰ প্ৰতিবেদনৰ ভিত্তিত লোকসভাৰ অধ্যক্ষই সিদ্ধান্ত ল’ব। সেই ক্ষেত্ৰত আধা ঘণ্টাৰ ভিতৰত সিদ্ধান্ত ঘোষণা কৰা হ’ব বুলিও জনা গৈছিল। এতিয়া দুপৰীয়া ২ বজাৰ পিছত সকলোৰে দৃষ্টি এতিয়া অধ্যক্ষই মহুৱাক লৈ কি সিদ্ধান্ত লয়।

লগতে পঢ়কঃনিৰ্বাচনত পৰাজয়ৰ পিছতে আপদ! হাস্পাতালত ভৰ্তি তেলেংগানাৰ সদ্য প্ৰাক্তন মুখ্যমন্ত্ৰী কেচিআৰ

আনহাতে, শুকুৰবাৰে পুৱা মহুৱাক সংসদত দেখা গ’ল চিনাকি ৰূপত। সাংসদগৰাকীয়ে আগতেও বহুবাৰ বাৰ্তা দিছে যে তেওঁ শিৰ নত নকৰে। শুকুৰবাৰে তেওঁ লগতে ক’লে, “দেৱী দুৰ্গা আহি পাইছে।” একে সময়তে তেওঁ কয়, “যিসকলে বস্ত্ৰহৰণ কৰিছে তেওঁলোকে এতিয়া লোকসভাত মহাভাৰতৰ যুদ্ধ দেখা পাব।” ইতিমধ্যে মহুৱাৰ কাষত থিয় হৈ আছিল কংগ্ৰেছ নেতা অধীৰ চৌধুৰী। ইণ্ডিয়া মিত্ৰজোঁটৰ অংশীদাৰ দলসমূহো তেওঁৰ পক্ষত আছে।