আপুনিও কৰে নেকি এনে ভুল? প্ৰস্ৰাৱ বন্ধ ৰাখি নজনাব মৃত্যুক আমন্ত্ৰণ

বিশ্বাস নহ’ব পাৰে কিন্তু টয়লেট যাব নোৱাৰাৰ ফলত এজন পূৰ্ণ বয়স্ক ব্যক্তিৰ ব্লাডাৰত প্ৰায় আধা লিটাৰ পৰ্যন্ত প্ৰস্ৰাৱ ধৰি ৰখাৰ ক্ষমতা থাকে।

আমাৰ ব্লাডাৰ ৱাল ক্ষুদ্ৰ ক্ষুদ্ৰ ৰিচেপ্টৰ্ছৰে নিৰ্মিত যিয়ে ব্লাডাৰ পূৰ্ণ হোৱাৰ খৱৰ মগজুলৈ প্ৰেৰণ কৰাৰ কাম কৰে।

ইতিবাচক কথাটো হ’ল বেছিভাগ লোকৰে ব্লাডাৰৰ কামকাজৰ ওপৰত ভাল নিয়ন্ত্ৰণ থাকে। ব্লাডাৰ পূৰ্ণ হোৱাৰ খৱৰ মগজু পোৱাৰ লগে লগেই কিছুমান লোকে তৎক্ষনাৎ টয়লেটলৈ যায় যদিও আন কিছুমান লোকে বাথৰুম যাব নোৱাৰাৰ বাবে প্ৰস্ৰাৱ বন্ধ কৰি ৰাখে।

ব্লাডাৰৰ ক্ষুদ্ৰ ক্ষুদ্ৰ মাংসপেশীবোৰ বহুত কামৰ যদিও বহুসময় ধৰি ইয়াৰ ওপৰত চাপ দি ৰখা উচিত নহয়। যিসকল লোকে প্ৰায়েই কামৰ খাতিৰত বাহিৰলৈ যায় তেওঁলোকে ভ্ৰমণৰ সময়ত প্ৰস্বাৱ বন্ধ কৰি ৰখাতো অভ্যাসত পৰিণত হয়।

যদিহে আপুনি দীঘলীয়া সময়ৰ বাবে প্ৰস্বাৱ বন্ধ কৰি ৰখাৰ অভ্যাস কৰি লৈছে তেতিয়াহ’লে আপোনাৰ শৰীৰত বেয়া প্ৰভাৱ পেলাব পাৰে।

সাধাৰণতে প্ৰস্ৰাৱ বন্ধ কৰি ৰখাৰ কাৰণে শৰীৰত সংক্ৰমণৰ বিপদ বৃদ্ধি পায়।

প্ৰস্বাৱ দীঘলীয়াকৈ বন্ধ কৰি ৰখাৰ ফলত ব্লাডাৰৰ মাংসপেশী দুৰ্বল হৈ পৰিবলৈ ধৰে যাৰ ফলত প্ৰস্ৰাৱ ধৰি ৰখাৰ ক্ষমতা সময়ৰ লগে লগে হ্ৰাস পাবলৈ ধৰে।

বহুত সময়লৈ প্ৰস্ৰাৱ বন্ধ ৰখাৰ বাবে শৰীৰত বিভিন্ন ধৰণৰ ক্ষতিকাৰক বেক্টেৰিয়া উৎপন্ন হ’ব পাৰে যিয়ে UTI(য়ুৰিনাৰী ট্ৰেক্ট ইনফেকশ্যন) বা ব্লাডাৰ ইনফেকশ্যনৰ সম্ভাৱনা বৃদ্ধি কৰে।

টাইকো ব্ৰাহে নামৰ ডেনিচ জ্যোতিৰ্বিজ্ঞানীয়ে বিভিন্ন ধৰণৰ পৰীক্ষা কৰিছিল। তেওঁৰ বিষয়ে কোৱা হৈছিল যে এক বক্তৃত্বানুষ্ঠানৰ সময়ত তেওঁ মানুহ ভৰ্তি হলটোৰ পৰা এই কাৰণেই ওলোৱা নাছিল কিয়নো তেওঁ ইয়াক শিষ্টাচাৰ বিৰোধী বুলি ভাৱিছিল।

গোটেই সময়খিনি তেওঁ প্ৰস্বাৱ বন্ধ কৰি ৰাখিছিল। ঘৰলৈ অহাৰ পাছত যেতিয়া তেওঁ টয়লেটত যায় তেওঁ প্ৰস্ৰাৱ কৰিব নোৱাৰা হয় আৰু প্ৰস্ৰাৱ ব্লাডাৰ ফাটি যোৱাৰ ফলত তেওঁৰ মৃত্যু হয়।

অৱশ্যে, ইতিবাচক কথাটো হ’ল যে বেছিভাগ লোকৰে ব্লাডাৰ ব্ৰাহেৰ দৰে নহয়। সেয়েহে সকলো ক্ষেত্ৰতে এনে পৰিণতি নহয়। এনেকুৱা পৰিস্থিতিত বেছিভাগ লোকৰে প্ৰস্ৱাৱ নিজে নিজেই ওলাই যায়।

পূৰ্বেই কোনো কাৰণত দুৰ্বল হৈ থাকিলে এনেকুৱা ক্ষেত্ৰত ব্লাডাৰ ফাটি যোৱাৰ সম্ভাৱনা থাকে।