হস্তমৈথুন এক স্বাভাৱিক কথা। অকলশৰীয়া অৱস্থাত নিজকে সুখী কৰাৰ এক অনন্য বিকল্প তথা উপায় হৈছে হস্তমৈথুন বা স্বমেহন।
ইয়াৰ বহুতো উপকাৰিতাও আছে। হস্তমৈথুনে যৌন কাৰ্য-কলাপত সক্ৰিয়তা বৃদ্ধি কৰে। ই মানসিক চাপ নিয়ন্ত্ৰণৰ বাবে এটা উকৃষ্ট উপায়। হস্তমৈথুনে মানসিক অৱসাদ দূৰ কৰাৰ লগতে মনলৈ প্ৰশান্তি আনিব পাৰে। হস্তমৈথুনৰ পিছত নিদ্ৰা গভীৰ হয়। ই নিংসগ মানুহৰ পৰম সন্তোষৰ বস্তু। হস্তমৈথুনে বিভিন্ন হৰমন নিসঃৰণ কৰি স্বাস্থ্যৰ কেইবাটাও দিশত উপকাৰ সাধন কৰে।
কিন্তু অতিমাত্ৰা হস্তমৈথুনে আপোনাৰ শাৰীৰিক স্বাস্থ্যৰ লগত মানসিক স্বাস্থ্যতো বিৰূপ প্ৰভাৱ পেলাব পাৰে। ই অভ্যাস বা আসক্তিত পৰিণত হ’লে যৌন জীৱন বিকৃত কৰি তুলিব পাৰে। অত্যধিক হস্তমৈথুনৰ তাড়নাই আমাৰ দৈনন্দিন জীৱনৰ কাম-কাজত সুচাৰুৰূপে মনোনিৱেশ কৰাত বাধাৰ সৃষ্টি কৰিব পাৰে। সেয়ে হস্তমৈথুনৰ আসক্তি বা অত্যধিক হস্তমৈথুনৰ পৰা আঁতৰি থাকিব লাগে।
কিদৰে দূৰ কৰিব অত্যধিক হস্তমৈথুনৰ আসক্তি –
১/ আত্ম সচেতনতা : আপোনাৰ পৰিৱৰ্তনৰ ইচ্ছা আছে বুলি স্বীকাৰ কৰক আৰু অত্যধিক হস্তমৈথুনৰ ফলত আপোনাৰ জীৱনত হোৱা নেতিবাচক প্ৰভাৱ মনলৈ আনক।
২/ লক্ষ্য নিৰ্ধাৰণ কৰক : হস্তমৈথুনৰ পৰিমাণ হ্ৰাস কৰাৰ বাবে স্পষ্ট লক্ষ্য নিৰ্ধাৰণ কৰক। সৰু সৰু খোজেৰে আৰম্ভ কৰক আৰু লাহে লাহে আপোনাৰ ডাঙৰ লক্ষ্যৰ দিশত কাম কৰক।
৩/ কাৰণ চিনাক্ত কৰক : এনেকুৱা পৰিস্থিতি বা আৱেগ চিনাক্ত কৰক যিবোৰে আপোনাক অত্যধিক হস্তমৈথুন কৰিবলৈ বাধ্য কৰে। ইয়াৰ ভিতৰত বিৰক্তি, মানসিক চাপ, নিসংগতা বা অন্যান্য কাৰণ থাকিব পাৰে।
৪/ স্বাস্থ্যকৰ অভ্যাস গঢ়ি তোলক : হস্তমৈথুন কৰিবলৈ মন গ’লে বিকল্প কাৰ্য্যকলাপ বিচাৰি উলিয়াওক। ব্যায়াম কৰা, সামাজিক যোগাযোগ কৰা বা নতুন কিবা এটা শিকিবলৈ চেষ্টা কৰক।
৫) ব্যস্ত থাকক : নিজকে ব্যস্ত কৰি ৰাখক। কাম নথকাৰ মানুহৰ মগজুত চয়তানে বাস কৰে। কৰ্মহীন সময়ে হস্তমৈথুন কৰিবলৈ প্ৰলোভিত কৰিব পাৰে।
৬) যোগাভ্যাস আৰু ধ্যান : যোগ বা ধ্যানৰ অভ্যাসে আপোনাৰ মন শান্ত কৰি তুলিব পাৰে। ই হস্তমৈথুনৰ অভ্যাস নোহোৱা কৰাত সহায় কৰে।
৭) এটা ৰুটিন গঢ়ি তোলক : কামৰ এখন নিয়মীয়া ৰুটিন তৈয়াৰ কৰক। নিয়মীয়া ৰুটিনে আপোনাক হস্তমৈথুনৰ পৰা আঁতৰাই অনাত সহায় কৰিব।
৮) যৌন ছবি চোৱাৰ পৰা বিৰত থাকক : যৌনতা সম্পৰ্কীয় উত্তেজক কথা পতা, যৌনতাৰ কথা ভাবি থকা বা পৰ্ণগ্ৰাফী চোৱা বন্ধ কৰক। পৰ্ণগ্ৰাফী চাবলৈ মন গ’লে তাৰ সলনি এখন ভাল চিনেমা বা কমেডি ভিডিঅ’ চাওক। নাইবা অনুপ্ৰেৰণামূলক ভিডিঅ’ চাওক।
৯) অকলে নাথাকিব : অকলে থাকিলে বা নিসংগ হৈ থাকিলে হস্তমৈথুন কৰিবলৈ সঘনাই মন যায়। সেয়ে অকলে সময় কটোৱাৰ সলনি পৰিয়ালৰ লোক বা বন্ধু বৰ্গৰ লগত সময় অতিবাহিত কৰক নাই ক’ৰবালৈ ফুৰিবলৈ ওলাই যাওক।
১০) চিকিৎসকৰ সহায় লওক : যদি আপোনাৰ হস্তমৈথুনৰ প্ৰতি আসক্তি গুৰুতৰ আৰু ই দৈনন্দিন জীৱনত বাধাৰ সৃষ্টি কৰে, তেন্তে চিকিৎসা পেছাদাৰী বা থেৰাপিষ্টৰ পৰা সহায় লোৱাটো প্ৰয়োজনীয় হ’ব পাৰে। গতিকে আসক্তিৰ পৰা হাত সাৰিবলৈ চিকিৎসকৰ সহায় ল’ব পাৰে।
